TV Schedule

د افغانستان دپاره د امریکا ځانګړی استازی تامس ویست وایې طالبان نه، خو داعش او پاکستاني طالبان د سیمې او نړۍ لپاره ګواښ دي. د اتصال په دې خپرونه کې د افغانستان او طالبانو په اړه د امریکا د تګلارې ارزونه شوې ده. د طالبانو په حاکمیت کې د ټولنیزو رسنیو نقش هم څېړل شوی دی.

طالبانو ته د افغانستان دپاره د چین د نوي سفیر د باور لیک سپارلو ته غبرګونونه، په پاکستان کې د افغان کډوالو وضعیت، په لیبیا کې د ویجاړوونکي‌ سیلاب د اوښتو ځاني او مالي زیانونو وروستی حال او د افغانستان او نړۍ نور خبرونه د اشنا تلویزیون په دې خبري ټولګه کې شامل دي.

د سپینې خبرې په دغه یو ساعته خپرونه کې د طالبانو او چین پر اړیکو بحث شوی او دا خبره څېړل شوې چې په داسې حال کې چې د طالبانو حکومت تر اوسه د نړۍ هیڅ کوم هیواد په رسمیت نه دی پیژندلی، افغانستان ته د نورو هېوادونو سفیران د کومو اصولو له مخې معرفي کیږي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰