TV Schedule

د اتصال په نننۍ خپرونه کې د امریکا د ملي امنیت شورا د ویاند هغه څرګندونې راسپړو چې وایي که طالبان نړیوال مشروعیت غواړي، باید خپلې کړې ژمنې پر ځای کړي. د خپرونې په دویمه نیمایي کې په افغانستان کې د ماشومانو د خوارځواکۍ پر لاملونو بحث شوی دی.

د امریکاغږ اشنا ټلویزیون د یکشنبې په خپرونه کې به د پاکستان د ګټو لپاره په افغانستان کې د پوځي عملیاتو په اړه د پاکستان د صدراعظم څرګندونې واورئ. د ملګرو ملتونو عمومي غونډه کې د جمهور رئیس بایډن ګډون او نړیوالو ستونزو یادونه کیږي او د کردۍ مهسا امیني په یاد د امریکا او ایران سربیره د نړۍ په ډيرو ښارونو کې غونډې او مظاهرې شوي.

د پاکستان د لنډ مهاله حکومت صدراعظم انوارالحق کاکړ په افغانستان کې د وسله والو مخالفینو په وړاندې د عملیاتو په اړه ویلي چې د پاکستان د دفاع لپاره هر اقدام ته چې اړتیا وي ترسره به یې کړي. آیا د افغانستان خاوره د پاکستان یا بل هیواد پرضد کارول کیږي؟

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د "مستند ۵۲" په نامه د امریکاغږ د مستندو فلمونو لړۍ د تودو بشري موضوعګانو په وړاندې کولو سره تاسې له نړۍ سره نښلوي. دغه مستندونه د جالبو تصویرونو په ښودلو او د جذابو روایتونو په وړاندې کولو سره تاسو ته د سیمو او پېښو په اړه د تحقیق زمینه برابروي. دا خپرونه هره یکشنبه د افغانستان په وخت د شپې په ۱۰:۳۰ د امریکا غږ د سپوږمکۍ، پښتو او دري فیسبوک او یوټیوب چاینلونو له لارې خپریږي. تاسو دا مستندونه د امریکا غږ په ویبسایټونو او ټولنیزو رسنیو کې هم کتلای او تعقیبولای شي.