TV Schedule
اتصال تلویزیوني خپرونه
طالبانو د متحده ایالاتو د افشا شویو نظامي معلوماتو هغه ارزیابي رد کړه چې پکې ویل شوي د اسلامي دولت ډله د افغانستان د خاورې څخه په متحده ایالاتو او نورو هیوادونو د بریدونو د پلان او همغږۍ کولو لپاره کار اخلي.د اتصال په ننۍ خپرونه کې په افغانستان کې د داعش خطر ارزونه کوو او په دوهم بحث کې د سوډان جګړې ته ژوره کتنه کوو.
د اشنا د دوشنبې خبري خپرونه
د ایران له خوا د هلمند د سیند پر اوبو د حق ټینګار څیړو. د ایران د بهرنیو چارو وزیر حسین امیرعبدالهیان وایي طالبان د دغه سیند په اوبو کې د ایران پرحق " اعتراف او ټینګار" کوي. له سوډان څخه د ګڼ شمیر هیوادونو د دیپلوماتانو پر ایستلو هم رڼا اچوو خو پدې ترڅ کی بیا پدې هیواد کې بند پاتې امریکایانو ته ویل شوي چې ځانونه هملته خوندي کړي. او په اخر کې به د ډالر په مقابل کې د افغانۍ د ارزښت په تړاو هم مهم رپوټ ولرو چې طالبان ادعا کوي د دوی د ښې حکومتولۍ له امله افغانۍ خپل ارزښت نه دی بایللی، خو د چارو کارپوهان بیا بیل نظر لري.