TV Schedule

په امریکا کې د هغو دوو افغانانو په زړه پورې کیسه چې له اسلامي او انساني اخلاقو سره توانېدلي هغه امریکایي پخوانی پوځي اسلام ته دعوت کړي چې غوښتل یې د انډیانا ایالت په یوه جومات کې بم کېږدي او د سلګونو مسلمانانو د وژل کیدو لامل شي. په دې اړه یو مستند فلم هم جوړ شوی چې تیر کال د اسکار جایزې ته نومول شوی و.

په دغه خپرونه کې په تورخم کې د طالبانو او پاکستاني ځواکونو ترمنځ په شخړه او په چترال کې د پاکستاني طالبانو پر بریدونو بحث شوی. دغه راز، د طالبانو د واکمن کېدو وروسته کابل ته د افغانستان او امریکا د سوداګرۍ خونې د پلاوي لومړنی سفر څېړل شوی دی.

په دغه خپرونه کې، د اوسنیو او پخوانیو اړوندو چارواکو سره د طالبانو او یو شمېر شرکتونو ترمنځ د شپږ نیم میلیاردو ډالرو په ارزښت د کانونو د استخراج د تړونونو او د هغو د پلي کېدلو څرنګوالی څېړل شوی دی. دا نیم ساعته، اونیزه خپرونه، هره جمعه د ماښام پر اووه نیمې بجې، د امریکاغږ د سټلایټ او ډیجیټلي خپرونو له لارې خپریږي.

طالبانو چې له نړیوالو بندیزونو او بد اقتصادي‌ وضعیت سره مخامخ دي، د افغانستان د طبیعي زیرمو د استخراج هلې ځلې زیاتې کړې دي. د سپینو خبرو په خپرونه کې په همدې موضوع بحث کوو.

د افغانستان او پاکستان ترمنځ د تورخم په کرښه د چهارشنبې د ورځې د لنډې نښتې وروسته، نن جمعه د درییمې ورځې لپاره هم د تورخم لار د هر ډول تګ راتګ پرمخ تړلې ده, په دې اړه د "نن او وضعیت" په خپرونه کې بحث شوی. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

د ستاسو غږ په دې خپرونه کې په افغانستان کې د ترافیکي پیښو د عمده لاملونو او د مخنیوي د لارو چارو په اړه عامو افغانانو نظرونه څرګند کړي دي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.