تیره ورځ پاکستاني رسنیو خبر ورکړی و چې کابل کې یو پاکستاني مامور ویلي چې د لوگر په ولایت کې مقاماتو د هغه شرکت مشر نیولی چې لوگر کې د پاکستان په مرسته جوړویدونکي روغتون کې کار کوي.
خو د لوگر وايي ښاغلي حلیم فدايي د پاکستاني رسنیو دغه خبر بلکل باطل بللی او ویلي دي چې د روغتونو د پروژې مشر انجینر عمران شوکت سره یوازې د امنیتي مسلو په اړه خبرې شویدي ،چې هدف ېې د پاکستاني کارمندانو د امنیت خوندي کول و. ښاغلي فدايي وویل چې نه څوک نیول شوي او نه شکنجه شوي .
ښاغلي فدايي دا هم وویل چې د نایب امین الله خان لوگري د روغتون پروژه د پاکستان په مرسته روانه ده او دلته راغلي ټول پاکستاني کاریگر او انجینر په پوره ډاډ سره کار کوي.
