د رپوټونو له قراره، داسې ښکاري چې د افغانستان او پاکستان د استخباراتي ادارو تر منځ تفاهم لیک د هند د مقاماتو د ناراضه کیدو سبب شوی وي. ددې تفاهم لیک پر بنا دغه استخباراتي ادارې یو بل ته معلومات ورکوي.
د کابل د پوهنتون استاد فیض محمد ځلاند وایي افغانستان په دې معامله کې گټه نه شي کولی، خو پاکستان په کې ځکه گټه کولی شي چې په دې برخه کې تجربه لري.
خو، د لویې جرگې پخوانی غړی معین مرستیال وایي چې د افغانستان نوی حکومت د خپلو گاونډیانو او ستراتیژیکو ملگرو سره نوې تگلارې لري.
