د وال سټریټ ژورنال وايي چې د ولسمشر ټرمپ حکومت د پاکستان سره د هغه پاکستاني ډاکټر (شکیل افریدي) د خوشې کیدو لپاره خبري شروع کړیدي چې د اسامه بن لادن په درک لگولو کې یې د امریکا سره مرسته کړي وه.
په پیښور کې مشهور خبریال او د سیاسي چارو کارپوه رحیم الله یوسفزی وایي چې د شکیل افریدي دوسیه ډیره لانجمنه ده او کیدی شي د هغه د خوشي کولو لپاره پاکستان د امریکا نه لوې قیمت وغواړي.
زمونږ همکارې نزرانې یوسفزۍ د رحیم الله یوسفزی سره مرکه کړیده چې تاسو ته یې په لاندي لنک اوریدی شئ.
