د کابل د پوهنتون د حقوقو د پوهنځی استاد سید خالد سادات وايي چې ستره محکمه نه شي کولای چې د ولسي جرګې د کار موده تمدید کړي.
ښاغلي سادات چې د ولسي جرګې د برخلیک په حقوقي اړخ یې امریکا غږ ته معلومات ورکول وویل چې «ستره محکمه د دې صلاحیت لري چې د قوانینو تفسیر وکړي خو د [اساسي قانون د ۸۳] مادې د تفسیر لپاره ضرورت نه لیدل کیږي.» هغه زیاته کړه چې دا ځکه چې دغه ماده واضح وايي چې د ولسي جرګې د کار دوره پای ته رسیږي.
ښاغلي سادات وايي چې د ولسي جرګې د برخلیک د ستونزې د له منځه وړلو لپاره په کار ده چې حکومت په «قاطع ارادې» عمل وکړي. هغه وویل چې ژر تر ژره باید انتخابات وشي.
ولسمشر غني ویلي دي چې د ولسي جرګې د برخلیک موضوع به سترې محکمې ته راجع کړي. هغه دا خبره هم کړې ده چې ولسي جرګې د برخلیک او د انتخاباتي نظام د اصلاح لپاره به «د بیلابیلو اقشارو او بنسټونو له استازو سره» مشورتې غونډې وکړي.
د استاد سید خالد سادات سره د زیبا خادم مرکه دلته اوریدلی شئ:
Your browser doesn’t support HTML5
د کابل د پوهنتون د استاد سید خالد سادات سره د زیبا خادم مرکه