د پاکستان د کرکټ مشهور لوبغاړی شاهد خان افریدی وايي چې دی غواړي د افغانستان سره د کرکټ د لارې اړیکې ولري او غواړي چې کابل ته لاړ شي او هلته د کرکټ لوبه وکړي. هغه وویل چې دی غواړي چې د سیاستو په وجه راپیداشوې فاصلې ختمې کړي او د دواړو خواو ولسونو سره د کرکټ د لارې رانیزدې کړي.
شاهد افریدي د امریکا غږ اشنا راډیو سره یوه ځانگړې مرکه کې وویل چې افغانستان د ده مورنۍ وطن دی، نیا ېې د افغانستان ده او غواړي خپل مورني وطن ته لاړ شي ،هغه وویني او کرکټ پکې وکړي.
شاهد افریدي دا هم وویل چې د افغانستان د ولس سره ېې د مینې په اساس ېې د افغانستان لوبغاړی شهزاد محمدي ېې د پاکستان په تجارتي سیالیو پي ایس ایل کې پخپله ټیم پیښور زلمي کې شامل کړی.
شاهد خان افریدي د کرکټ په نړۍ کې د خپلې ځانگړې وړتیا په سبب په بوم بوم افریدي مشهور دی
د کرکټ نړیوال ستوری شاهد افریدي دا هم وايي چې نیت لري د دسمبر په میاشت کې د افغانستان د کرکټ ملي ټیم سره دوبۍ کې د کرکټ نمایشي سیالۍ وکړي ترڅو هلته میشت پښتانه ورنه خوند واخلي.
Your browser doesn’t support HTML5
د پاکستاني پښتون کرکټ ستوري شاهد افریدي سره مرکه