د افغانستان د ماليې وزیر ډاکټر عمر زاخیلوال ، وايي د انتخاباتو د جنجال اوږدیدل او ددی جریان له امله نا مطمینې فضا د افغانستان په اقتصاد باندې په کافي اندازې ناوړه اغیزې کړیدي چې د افغانستان ته زیات و کم، پنځه شېږ ملیارده ډالره ضرر رسیدلی دی.
همداشان ددغه نامطمین حالت په وجې تقریبا د پنځو شپږو میلیاردو ډالرو په حدودو کې، د خلکو شخصي نغدې پانگې په دې تیر یوه کال کې د ملک نه وتلي دي چې دا به هم د افغانستان په اقتصاد باندې اوږدمحالې منفي اغیزه ولري.
ښاغلی زاخیلوال وايي ددې شخصي پانگې سل فیصده بیرته جلبول خو به سخت کار وي، خو د یوې مثبتې سیاسي فضا په را منځ ته کیدو، چې د اقتصاد غوړیدل هم ور پورې تړلي دي، تر ډیره حده بیرته ملک ته راوړل کیدلی شي.
Your browser doesn’t support HTML5
د ښاغلي عمر زاخیلوال سره بشپړه مرکه دلته اوریدلای شئ