اڅکزی: د ملا فضل الله د ورسپارلو غوښتنه مې نه ده کړې

د پښتونخوا د ملي عوامي ګوند مشر محمود خان اڅکزي هغه راپورونه په کلکه رد کړل چې ګنې، ده له ولسمشر حامد کرزي څخه پاکستان ته د طالب مشر ملا فضل الله د ورسپارلو غوښتنه کړې ده.

نوموړی وايي کابل ته د نواز شریف د ځانګړي استازي په توګه د ده سفر یوازې د دواړو هېوادونو د اړیکو د ښه کولو په خاطر د اسلام اباد د پیغام رسول و .

ښاغلي اڅکزي وویل د پاکستان نوی حکومت په افغانستان کې د سولې راوستلو ښه اراده لري او دا چې که کابل او اسلام اباد له یو بل سره رښتینې ملګرتیا او مرسته وکړي، په سیمه کې د ترهګرۍ لمنه ژر ټولېدی شي .

ښاغلی اڅکزی تېره اونۍ د پاکستان د لومړي وزیر نواز شریف د ځانګړي استازي په توګه په کابل له ولسمشر کرزي سره وکتل.

نوموړي په دغې مرکې لومړی له پاکستان څخه د ولسمشر کرزي پر دریو مشخصو غوښتنو خبرې کوي::::

له محمود خان اڅکزي سره ځانګړې مرکه