د غزنياوسېدونکی شاه ولي چې له شاوخوا ۳۰ کلونو راهیسې په نشو اخته دی وايي چې په لوی لاس یې خپل ژوند خراب کړی دی.
هغه وايي ایران ته د مزدورۍ لپاره تللی وو، خو هلته یې د دې پر ځای چې کار وکړي نشو ته یې مخه کړه.
شاه ولي وايي "ویلډینګ کاري، بایسکل سازي او د نانوایۍ کسبونه مې زده دي، زده کړې مې هم کړي، سواد لرم، خو د نشو له امله کار نه شم کولای او نه څوک کار راکوي".
په غزني ښار کې د معتادینو په دېرو کې د ځوانانو تر څنګ یو شمېر سپین ږیري، ښځې او ماشومان هم لیدل کیږی.
د دغو معتادینو زیاتره یې په ایران کې د کډوالۍ پر مهال په نشو اخته شوي دي.