د پاکستان د سیاسي چارو کارپو ډاکتر محمد تقي وايي چې له دندې د صدراعظم نواز شریف لېرې کېدل او استعفا د پاکستان سیاسي کړکیچ نه شي حل کولای.
د عمران خان او طاهر القادري ګوندونو له دندې د ښاغلي شریف د استعفا غوښتنه کړې ده .
د پاکستان د حکومت مخالفه گوند د پاکستان تحریک انصاف مشر عمران خان د حکومت سره د مذاکراتو وړاندیز رد کړی دی او ویلي یې دي چې تر هغه به د پارلمان د ودانۍ له مخې نه ځي چې صدراعظم نواز شریف استعفا کړې نه وي.
د پاکستان د تحریک انصاف او ورسره د پاکستان عوامي تحریک گوند پلویان د پارلمان مخي ته له دوو ورځو راهیسي ناست دي.
د پاکستان صدراعظم نوازشریف د عمران خان هغه غوښتنه رد کړې ده چې استعفا دې ورکړي خو ویلي یې دي چې د هغه سره خبرو اترو ته تیار دی.
ښاغلی خان ادعا کوي چې د نواز شریف گوند د تېر کال په انتخاباتو کې درغلي کړی ده.
له بلي خوا د پاکستان د پوځ ویاند د دواړو خواو نه غوښتي چې د خبرو اترو له لارې دې ستونزه هواره کړي .
د پاکستان د - دی نیوز ورځ پاڼي ) لیکوال او د سیاسي چارو کارپوه ډاکټر محمد تقي وایي چې له دندې د نواز شریف استعفا د ستونزو حل نه دی.
د هغه سره د نزرانې یوسفزۍ مرکه دلته واورئ:
Your browser doesn’t support HTML5
ډاکټر تقي په پاکستان کې د سیاسي چارو لیکوال او شننونکی دی .