پرون د چارشنبې په ورځ ( مۍ ٣١) په کابل کې په یوې خونړۍ حملې کې لږترلږه ٩٠ تنه ووژل شول. د افغانستان د ملي امنیت د دغې حملې پړه د حقانې په شبکې او د پاکستان په استخباراتې ادارې واچوله.
په اسلام اباد کې د پالیسیو د مطالعاتو د انسټیټیوټ د دفاعي چارو کارپوه سید نذیر وایي چې معولا د افغانستان استخبارات د دی پر ځای چې خپل مسئولیت سم ادا کړي د خپلې ناکامۍ پړه په پاکستان اچوې هغه وایي چې اوس په پاکستان کې ترهگر نشته. سید نذیر د امریکا غږ ته وویل "د امریکا سناتورانو، د روسیې جنرالانو د وزیرستان دوره کړیده او ویلي یې دي چې د دغې سیمې نه ترهگر ختم شويدي."
ښاغلی نذیر دا هم وایي چې پکار ده د پاکستان او د افغانستان استخبارات په دی برخه کې د یو بل سره همکاري وکړي. هغه وویل
"دا خو حالات جنگ دی، په یو بل باندې د تورونو لگولو نه باید ډډه وشي. ځکه چې دا واکمنانو ته نه بلکې خلکو ته تاوان رسوي."
Your browser doesn’t support HTML5
د دفاعې چارو کارپوه سید نذیر سره زمونږ مرکه دلته اوریدی شئ
په پېښور کې د عوامي نیشنل گوند صوبایي مشر افراسیاب خټک وایي چې د افغانستان د ملي امنیت په هکله دا ویل چې خپل مسولیت یې ندی پوره کړی، بیخې بېځایه خبره ده. هغه وایي "دا ظالمانه خبره ده چې د چا سره زیاتی وشي او داسې خبره ورته وکړې شي. که څوک داسې ووایي چې د پاکستان د پیښور د سکول برید پاکستان پخپله کړیدی نو دا به څنگه وي."
خټک وایي چې د افغانستان د ملي امنیت ادارې چې دغه تور لگولی دی نو شواهد به ورسره وي او هغوي به یې وړاندې کړي. خټک زیاتوي
"دا پرونې غم د غره هومره لوی غم دی چې په افغانانو راپریوتی دی. پاکستان ته پکار ده چې په عمل کې بدلون راولې یواځې ویناگانې نه کوي. د شوروي اتحاد په ضد د جهاد په وخت کې به هم خلکو ویل چې مونږ په افغانستان کې مداخله نه کوو ، اوس یې کتابونه لیکلي دی او سینې ډبوي چې مونږ دغه کار کړیدی."
Your browser doesn’t support HTML5
د ښاغلي افراسیاب خټک سره گمونږ مرکه دلته واورئ
په پاکستان کې د کابل د حملې نه وروسته د مدني ډلې فعالینو او ځینو سیاستمدارانو په ټولنیزو رسنیو د افغانستان سره خپله خواږي څرگنده کړه او د حکومتونو نه یې غوښتي چې د گاونډی ملکونو ترمنځ د اړیکو د ښه کولو کوښښ دی وکړي.
د پاکستان حکومت د کابل دغه ادعاگانې رد کړیدي چې گونې په دغې برید کې د حقاني شبکې سره آی ایس آس مرسته کړیده او وایي چې د پاکستان سوله د افغانستان سره تړلې ده.