په خیبر پښتونخوا کې د افغان کډوالو په کمپونو کې مېشتو خلکو ته د تعلیم او روغتیا اسانتیاوې برابرولو لپاره یوه نوې پروژه پیل شوې ده. ددغه پروژې د کارکوونکو په وينا، له یادې پروژې څخه به د خېبر پښتونخوا په ۱۳ کمپونو کې نږدې سل زره افغان ماشومان او کډوال ګټه پورته کړي.
د پېښور د انجینرۍ او ټیکنالوژۍ پوهنتون د وروستي کال محصلينو لخوا د ۴۰ بیلابیو صنعتونو اړوند پروژې نندارې ته وړاندې شوې. تنظیموونکي یې وایي چې د دغه نندارتون موخه د محصلينو د لاسته راوړنو ستاینه او د هغوی هڅول دي.شاهين افریدي- امریکاغږ
د تورخم دروازې ته څیرمه د ځمکې ښويېدنې په پېښه کې د مړه شویو لارۍ چلوونکو خپلوانو د اوښتو زيانونو د جبرانولو لپاره اعتراض کړی.د اغیزمن شویو کسانو سره د يووالي څرګندولو په موخه ګڼو لارۍ چلوونکو او ځايي خلکو په دغه لاریون کې هم ګډون کړی و. شاهين افريدی - امريکا غږ
په پېښور کې د سیمه ایزې پالیسۍ او خبرو اترو مرکز د سولې میله جوړه کړې وه چې پکې سیاسي او ټولنیزو فعالانو ترڅنګ محصلینو هم ګډون کړی و. تنظیموونکي وایي د دې مېلې موخه دا وه چې د سیاست، ادب او د پښتو موسیقۍ له لارې نړۍ ته د سولې پیغام ورکړي. شاهين افريدی - امریکاغږ
په پېښور کې د چاپېریال ساتنې یو ځوان فعال د ښار د چاپېریال د پاک ساتلو لپاره د کورونو څخه د کباړ د ټولولو او د هغې د مناسب پروسیس کولو لپاره یو موبایل اپلیکشن جوړ کړی دی. د «کباړي» په نوم دا اپ خلکو ته د هغوی د کورونو د بې کاره توکيو د راټولولو لپاره اسانتیاوې رامنځته کوي.
د پیښور پوهنتون څخه فارغ شوي يو محصل په خیبر پښتونخوا کې د افغان محصلینو لپاره په ډیجیټل مارکیټ کې د مهارتونو له لارې د کار موندلو لپاره څلور ورځنی روزنیز ورکشاپ جوړ کړی و چې د بیلابیلو پوهنتونونو افغان محصلینو په کې برخه اخیستې وه. شاهین افریدي پرې راپور لري
رويا افغانيار چې په افغانستان کې یې د مدافعې وکيلې دنده درلوده، اوس مهال په پاکستان کې د کړاو ډک ژوند تيروي. رويا وايي په افغانستان کې د ښځو د حقونو لپاره د مبارزې څخه د منع کولو او د يو طالب چارواکي لخوا په اجباري نکاح د مجبوره کولو له امله پاکستان ته کډه شوې. شاهين افریدی - امریکاغږ.
په اسلام اباد کې د نړيوال اسلامي پوهنتون څخه د فارغو شویو افغان محصلینو د فراغت غونډه وشوه. د یاد پوهنتون څخه تر ۲۸ نارینه او ۱۵ ښځینه محصلینې د علامه اقبال تحصیلي بورسونو په مرسته فارغ شول. ياده غونډه کې د طالبانو سفير هم ګډون درلود چې فارغ شویو محصلینو ته یې د وينا تر څنګ د فراغت سندونه هم ورکړل
افغان کډوال، نجیب ارمان چې دا مهال په پيښور کې اوسیږي، د خپلو زده کړو لګښت پوره کولو لپاره تر نیمې شپې په یو درملتون کې کار کوي. وايي د پښتو ادب سره مینه لري او غواړي چې لوړې زده کړې په همدې برخه کې بشپړې کړي. ارمان له ځوانانو هیله لري چې بې وسي باید هیڅکله د دوي د زده کړو پر وړاندې خنډ نشي.
په پاکستان کې د امنیت او اقتصاد خراب وضعیت د افغان غالیو اوبدونکو په کاروبارو هم بد اغیز کړی. د افغان کډوالو په کمپونو کې زیاتره افغان کډوال چې د غالیو په تولید اخته وو، دا مهال د مارکیټ نه شتون له کبله له ګڼو ستونزو سره مخامخ دي. شاهین افریدي امریکا غږ
په پېښور کې مېشت افغان ځوانان چې د قیمتي ډبرو پلرنی کسب لري، خپله سوداګري د انټرنیټ له لارې پیردونکو ته وړاندې کوي. دوي وایي د دغه قیمتي ډبرو د اخیستلو لپاره به بهرنیان راتلل، خو په پاکستان کې د تیرې څه مودې راهیسې د بد امنیت وضعیت له کبله د دوي راتګ بند شوی او دوي هم انلاین خرڅلاو ته مخه کړې.
انیسه امیني له خپلو ماشومانو سره د پاکستان په پلازمېنې کې د ګڼې ګوڼې ډک بازار کې پيرکي، آشک او منتو پلوري. هغه وایي چې د خپلو ماشومانو د زده کړو او کور د لګښتونو پوره کولو لپاره شپه او ورځ کار کوي، ترڅو ماشومان یې روښانه راتلونکی ولري. شاهين افريدي - امریکاغږ
شکريه د جمهوري نظام له ړنګېدو وروسته مجبوره شوه پاکستان کډه وکړي او دا مهال په جلاوطنۍ کې د کړاو ډک ژوند تیروي. هغه د پيښور په یوې آرایشګاه کې کار کوي او په ۸۰۰۰ روپیو معاش باندې د ماشومانو او کورنۍ پالنه کوي. شکریه زیاتوي چې د آرایشګاه وروسته د خلکو په کورونو کې هم کار کوي.
د خېبرپښتونخوا د هنرمندانو اتحاديه وايي که چیرې په افغانستان کې پر موسيقۍ بنديز دوام وکړي، نو ويره ده چې د افغانستان د لوګري طرز موسيقۍ ترڅنګ نورې يو شمېر سيمه ييزې موسيقۍ د له منځه تللو له خطر سره مخامخ شي.
احسان او صفي الله دواړه وروڼه دي چې اوس په پيښور کې اوسیږي. دوي د ټینس لوبې سره خورا مینه لري او غواړي دغه برخه کې افغانستان لپاره لاسته راوړنې ولري خو دا چې د ټینس لوبې لپاره د بوټونو، جامو او د تمرین ځای برابرول ډیر لګښت ته اړتیا لري، دوي ویره لري چې استعداد به یې لکه د نورو افغان ځوانانو ضایع شي.
د پيښور نه تر تورخم پورې لويه لاره کې د څو ورځو راهیسې د ګمرکي تصفیې په نوم پروسې د بار وړونکو لاریو په تګ راتګ کې ځنډ رامنځته کړی. لارۍ چلوونکي وايي چې د ناسمو پالیسو له امله پر لویه لارو ډېرې ورځې تېروي، چې هلته د اوسېدو ځای او د خوراک اسانتیاوې هم نشته او یا هم خورا کمې دي
د پېښور په بورډ بازار کې د اختریزو توکو پیرودل په زغرده روان دي. دغه بازار د کوچني کابل په نوم یادیږي او ډیر پلورونکي او پیرودونکي یې افغانان دي. هټۍ وال وايي سږ کال په پاکستان کې د مالي کړکیچ له کبله پېرودونکي کم دي او د دوی مالونه نه خرڅیږي.
د خيبر پښتونخوا په ځيني سيمو کې مېشت افغان کډوالو کوچنی اختر د خپل پلرني هيواد افغانستان سره په یو وخت ولمانځه۔ د اختر لمانځه ته د راغلیو ډیرو افغانانو پرمخ له وطن څخه د لیرې والي او د هیواد بد اقتصادي وضعیت ته اندیښنې له ورایه معلومیدې. شاهين افريدي پرې رپوټ لري.
د خېبر یوه ډله ځوانان وایي چې له تیرو دوو کالو راهیسې د تورخم پولې ته نږدې د مسافرو، لارۍ چلوونکو، کارګرو او عامو خلکو لپاره د وړيا روژه ماتي انتظام کوي. د تنظیموونکو په وینا دغه دسترخوان ځکه ترتیب شوی دی چې د روژې په میاشت کې پولې ته څیرمه رستورانتونو کې د خوراکي توکو کوم خاص انتظام نه وي.
نور پورته کول