په خېبرپښتونخوا کې د ښځو نړیوالې ورځې په مناسبت د فصيحه شريف او تابنده فرخ په ګډون ګڼو میرمنو ته په ټولنه کې د هغوي د فعالیت لپاره جايزې ورکړل شوې۔ دوي وایي چې پخوا یې د کار څخه کم خلک خبر وو خو د امريکا غږ د راپور نه وروسته ډیرو خلکو وپيژندلې او نن يې جايزې هم وګټلې۔ شاهين افريدي - امريکا غږ
د پيښور په خراسان کمپ کې میشتې افغانې میرمنې وايي چې دلته ښځې د زده کړو، د څښاک د پاکو اوبو او طبي درملنې ته لاسرسی نلري او د دې ترڅنګ د استوګنې او نورو بنيادي اسانتياو څخه هم بې برخي دي۔ دغه کمپ کې د ښځو د نړیوالې ورځې په مناسبت د يوې غونډې ګډونوالو سره د امریکاغږ خبریال شاهين افريدي خبرې کړي.
د رپوټونو له مخې په افغانستان کې د طالبانو د بیا واکمن کیدو راهیسې تر ۷۰۰ زرو زیاتو افغانانو خپلې دندې له لاسه ورکړي دي. زیات شمیر افغانان د اقتصادي ستونزو له امله کډوالۍ ته اړ شوي دي. محمد فیصل او جاوید عادل هغه دوه افغانان دي، چې خپلې دندې او زده کړې یې پرېښې او پېښور ته کډه شوي دي.
د پوهنتون محصل واصف افتاب په ټیک ټاک کې زرګونه مینه وال لري. هغه د منفي فعالیتونو پر ځای ټیک ټاک د خپل عاید سرچینه ګرځولې ده. واصف د خپل ټیک ټاک له لارې ترمیم شوي موټرې پلوري. شاهين افريدي - امريکا غږ
پدې وروستیو کې د پاکستان د بهرنیو چارو وزارت په اروپايي هېوادونو برتانیا، فرانسې، جرمني، هالنډ، آیرلنډ، ایټالیا، بلجیم، هسپانیا، یونان، اتریش، سویس او ناروې کې له خپلو سفارتي استازولیو غوښتي چې افغانانو ته دې د پاکستان وېزې نه ورکوي.
د لنډې کوتل یو ځوان معروف خان په سیمه کې د نجونو د زده کړې په اړه د پوهاوي لپاره کور په کور ګرځي او خلک د زده کړو په اهميت خبروي. معروف خان وايي په سيمه کې ۶۰ سلنه نجونې په کورونو ناستې دي او د زده کړو څخه بې برخې پاتې شوي دي. هغه وايي د نجونو زده کړې ټولنه او راتلونکي نسل د پرمختګ لور ته بیایي.
څيړونکي وايي پاکستان کې د اقتصادي ستونزو له کبله د انفلاسیون کچه ورځ تر بلې په زیاتېدو ده. د ډالر پر وړاندې د روپۍ د ارزښت د ټيټېدو له امله د افغان سوداګرو په ګډون د بېلابېلو کاروبارونو مالکان اغېزمن شوي دي. افغان سوداګر دا مهال له کومو ستونزو سره مخ دي؟ د شاهین افریدي راپور کې یې کتلی شئ.
د پېښور په بورډ بازار کې يو شمېر افغان کډوال د نیلامیو یا دویم لاس بهرنيو بوټانو د پلور کاروبار کوي۔ سره له دې چې په پاکستان کې د روانې ګرانۍ له کبله ګڼ روزګارونه ډیر اغیزمن شوي، د بوټانو دغو پلورونکو خپل کاروبار ته وده ورکولو د پاره د سوشل ميډيا له لارې انلان خرڅلاو ته مخه کړې.
پاکستان له وريجو او نورو خوراکي توکو وروسته افغانستان ته د درملو ستر صادروونکی هېواد دی. خو د درملو د کاروبار د سوداګرو په وینا د ډالرو د ارزښت د پرله پسې لوړېدو او د کابل او اسلام اباد د ناڅرګندې سوداګریزې تګلارې له امله افغانستان ته د پاکستان د درملو په صادراتو کې د پام وړ کموالی راغلی دی.
په خیبر پښتونخوا کې د یونیسف او CERD موسسو په همکارۍ د افغان کډوالو او ځايي ځوانانو ترمنځ د سپورټ سیالۍ ترسره شوې. د تنظیم کوونکو په وینا، د دې لوبو موخه نه یوازې د سپورت له لارې د ځایي اوسیدونکو او افغان کډوالو ترمنځ همغږي رامنځته کول دي، بلکې د افغان ماشومانو د حقونو په اړه د پوهاوي لوړول هم دي.
خیبر پښتونخوا کې د افغان کډوالو په کمپونو کې د ماشومانو د سمې روزنې او پالنې په موخه د افغان عالمانو لپاره یوه روزنیزه غونډه جوړه شوه. ټاکلې شوې په ياده غونډه کې ګډون کوونکي عالمان به د خپلو خطبو له لارې په کمپونو کې مېشتو افغان کډوالو ته د ماشومانو بنيادي اړتياوو په اړه پوهاوې ورکوي.
د خیبر پښتونخوا د چارسدې په حاجيزیو افغان کمپ کې د کډوالو د حقونو په اړه پوهاوي رامنځته کولو او د دوي ستونزو ته د رسیدو لپاره سټیج ډرامه تر سره شوه. په دې تیاتر کې د پښتو ډرامو ځینو مشهورو اداکارانو برخه اخیستې وه چې افغان کډوالو یې تود هرکلی وکړ. شاهين افريدي - امريکا غږ
د خیبر درې په سلګونو اوسیدونکو سیمه کې د سولې او امنیت لپاره د یو مدني فعالیت په لړ کې ځغاسته وکړه. دوي له ځان سره د سولې شعارونه لیږدول او د امنیت ټېنګېدو او له پښتونخوا څخه د نا امنۍ او ترهګریزو فعالیتونو ورکېدو نعرې یې اوچتې کړې. شاهین افریدي. - امریکا غږ.
پېښور کې د ځوانانو او زده کوونکو ترمنځ د پښتو ادب، تاریخ او کلتور په اړه پوهاوي رامنځته کولو په موخه دوه ورځنۍ ادبي میله جوړه شوې. د دې مېلې تنظیموونکي وایي چې خیبر پښتونخوا کې دا ډول غونډې به ځوانانو ته د تخلیقي فکر زمینه برابره کړي چې د ټولنې ګټور وګړي جوړ شي. شاهين افريدی - امريکا غږ
د پېښور په پوليس لاین کې شوې چاودنه کې د شپږو خوېندو يواځينی ورور ذیشان خان نن په لیډي ریډنګ روغتون کې ساه ورکړه. د هغه خپلوان وایي چې زیشان یواځې دوه میاشتې مخې واده کړی و او د ناوې په لاسونو یې د واده د نکریزو رنګ لا هم تللی ندی. شاهین افریدي - امریکاغږ
د پاکستان د کډوالۍ ملي اداره وایي چې په پاکستان کې سږکال د اقتصادي وضعیت خرابیدو له کبله له ۸۰۰ زرو څخه ډیر تعلیم یافته ځوانان له هیواده بهر تللي چې ډیری یې په بهرنیو هیوادونو کې د کارګر په توګه کار کولو ته اړ شوي دي۔ شاهين افریدي- امریکاغږ
هر ماښام د پېښور په ښار کې دا ودانۍ د څه باندې ۷۰ هغو بې وزلو ماشومانو لپاره په ښوونځي بدلېږي، چې د ورځې په اوږدو کې له خپلو والدینو سره په کار کې مرسته کوي او یا هم د هغو بې وزلو کورنیو سره مرسته کوي چې ماشومان یې ښوونځي ته د تګ توان نه لري. شاهين افریدی - امریکاغږ
په خیبر پښتونخوا کې د لرغونو اثارو ځایونه د بودایانو او نورو مذهبونو پیروانو لپاره ډیر اهمیت لري. کارپوهان وایي چې د دې ځایونو له امله په پاکستان کې مذهبي سیاحت د ودې په حال کې دی. جزییات یې د شاهین آفریدي په رپوټ کې کتلی شئ.
د پيښور اوسيدونکې فصيحه شريف چې پخپله خبرياله ده، وایي لومړۍ میرمن ده چې په خيبرپختونخوا کې يې اډيو [غږ ثبتولو]سټوډيو جوړه کړې. په دغې سټوډيو کې فصیحه شریف د پاکستان او افغانستان ځینو خبريالانو او په خصوصي توګه ښځينه خبريالانو ته د کار زمينه برابره کړې۔ شاهين افريدی - امريکا غږ
نور پورته کول