د پاکستان او افغانستان پولې سره نږدې د لنډي کوتل په یواځینۍ اکاډمۍ کې د ۸۰ نه ډیر لوبغاړي د کرکټ تمرینات کوي چې په کې شاوخوا شل افغان لوبغاړي هم شامل دي. افغان لوبغاړي وایي په دې هیله د کرکټ زده کړه کوي چې یوه ورځ به په نړیوالو سیالیو کې د خپل هېواد استازیتوب وکړي. شاهين افريدي - امريکا غږ
پاکستان او افغانستان ترمينځ بس سروس به د روان کال د اګست تر پایه به د پېښور او جلال اباد او کوټې او کندهار تر منځ بيا پيل شي.
د تېر اګست په میاشت کې د طالبانو له واکمن کیدو وروسته په افغانستان کې د لوستلو کلتور او د کتاب صنعت ته په ځانګړې توګه سخت زیان رسیدلی دی. په پېښور کې د مطبوعاتو د چاپ يو شمېر ادارې په ژور اقتصادي بحران کې دي او يا تړل شوي دي. د پښتو کتابونو لوست کم شوی او د اردو کتابونو خرڅون ورځ تر بلې په وده کې دی
پيښور کې د وچو میوو سوداګر وایي چې طالبانو لخوا په صادراتو د ګمرکي محصولاتو لوړیدو له کبله په پاکستان کې د وچو ميوو کاروبار ته ډیر تاوان رسیدلی. همداراز ځيني سوداګر د افغانستان څخه وارد شوې ميوې پخپل نوم بهر هيوادونو ته ليږي چې پدې کار سره بیا د وچو ميوو کاروبار ته زيان رسيږې۔
د اټکل له مخې په پېښور کې شاوخوا ۲۱۶ افغان هنرمندان د قانوني سندونو د نه لرلو له وجې د کډوالۍ ژوند په ويره کې تيروي. له بلې خوا دوي د هنري کار نه لرلو له امله د اقتصادي ستونزو سره هم مخ دي. شاهين افريدی د ځینو دغو هنرمندانو خوا ته ورغلی او دوي یې د ستونزو په اړه پوښتلي.
په پېښور کې افغان کډوال اجمل خان د خپل وطن دودیزې جامې ډيزاين کوي او بيا يي بهر هيوادونو ته ليږي۔ وايي په وروستيو کې د افغانستان څخه راغليو کډوالو سره د دودیزو جامو تقاضا لوړه شوې ده او زيات خلک دغه جامې خوښوي چې د پنځو زرو نه پنځوس زرو کلدارو پورې قيمت لري. شاهين آفريدي - امريکاغږ
په پيښور کې د مذهبي لږکيو لپاره جوړې شوې غونډې کې د هغوي په ستونزو خبرې اترې وشوې. د بيلا بيلو مذهبونو پيروانو دغه ډول غونډې ګټورې وبللې او ویې ویل چې دغو غونډو سره به د يو بل له مذهب نه کرکه ختمه او يو بل ته د نيزدې کيدو موقع ترلاسه شي. شاهین اپریدی - امریکاغږ
د خوست اوسيدونکی محبت الله په زلزله کې ټپي شوی دی او د درملنې لپاره د پېښور دولتي روغتون ته راوړل شوی. هغه د تيرو اوو ورځو راهيسې په پيښور روغتون کې د بې هوښۍ په حالت کې پروت دی او معالجین يي وايي حالت يې د خطر نه بهر دی خو په بشپړه توګه رغیدل به يي دوه يا درې مياشتې وخت ونیسي.
پیښور کې میشت افغان کډوال انيس الرحمان د پېښور پوهنتون د زراعت څانګې څخه فارغ شوی او په دغه برخه کې یې د سرو زرو مډال هم ګټلی دی خو له تېرو څلور کالو راهيسې د کار په لټه کې دی۔ ښاغلی انیس وايي په دې هیله ژوند کوي چې یوه ورځ به افغانستان کې زراعت عصري کړي او له دې لارې به هیواد ته خدمت وکړي.
پيښور کې د کوربه هیواد د اوسیدونکو او د افغان کډوالو د ځوانانو یوه ډله هڅه کوي چې په پېښور کې د مېشتو خلکو تر مېنځ اړیکې ښې کړي او په بیلا بیلو برخو کې له یو بل سره مرستې وکړي. شاهین افریدي پرې راپور لري.
په افغانستان کې د زلزله ځپلو سره د مرستې لپاره د حکومت ترڅنګ د خېبرپښتونخوا مدني ټولنو، فعالانو او بيلا بيلو بنسټونو هڅې پیل کړي دي. دغو ډلو کمپلې، خوراکي سامانونه، خيمې او نور ضروري سامانونه راټول کړي دي. شهنشا آفریدي پرې راپور جوړ کړی.
د جون میاشتې ۲۰مه نېټه د کډوالو نړیواله ورځ په داسې حال کې نمانځل کیږي چې په پاکستان کې میشت افغان کډوال د کار او روزګار د ستونزو تر څنګ د زده کړو په برخه کې له ګڼو خنډونو سره مخ دي. دا چې دغه ستونزې کومې دي، په اړه یې د امریکاغږ خبریال، شاهین افریدي له یو افغان ځوان سره غږیدلی.
لنډي کوتل کې یوې ډلې رضاکارنو په دغه سیمه کې میشتو او په کار بوختو افغان ماشومانو لپاره وړیا ښوونځی جوړ کړی چې پکې دا مهال لسګونه ماشومان زده کړې کوي. د ښوونځي بنسټ ایښودونکی وایي چې دغه ماشومان ډیر هوښیار دي او له زده کړې سره بیسارې مینه لري
