د پېښور په يو پوهنتون کې د انټرنټ د سم کارولو او د سایبر ځورونې څخه د خوندیتوب په موخه د یو شمېر ښځينه محصلينو لپاره يو ځانګړی سيمينار جوړ شوې و.
د پېښور په ناصر باغ سړک کې د کرکټ اکاډمي ته هره ورځ ګڼ شمېر افغان کډوال د کرکټ د روزنې لپاره ورځي. د دغې اکاډمۍ د روزونکي په خبره، اوسمهال په دغه اکاډمۍ کې څه باندې ۱۰۰تنه افغان کډوال د کرکټ په روزنې بوخت دي.
په پېښور پوهنتون کې د کتابونو درې ورځنۍ مېله جوړه شوې وه چې پکې شاوخوا ۱۰۰ غرفې لګول شوې وې. په کتاب پلورنځیو کې د جیو پولیټیکل، چاپېریال، سوفیزم، ساینس، طب او ادبیاتو په اړه کتابونه نندارې ته وړاندې شوي وو.
د پېښور "شعبه بازار" چې د ګاډو د پرزو یو مشهور بازار و، اوس وخت کاروبار پکې په ټپه دریدلی دی. پدې بازار کې سوداګر وايي، چې د تورخم سرحدي پولې د تړل کېدو له امله خلک اوس د پېښور په ځای د پنجاب ایالت راولپنډۍ ښار ته د ګاډو پرزو اخیستو لپاره ورځي.
په افغانستان کې د طالبانو له خوا پر موسیقۍ د بندیز له امله زیات شمیر افغان هنرمندان پاکستان او د نړۍ نورو هیوادونو ته کډه شوي دي. په مهاجرت کې د افغاني موسیقۍ د ودې په هدف دریو افغان وروڼو د امید بانډ په نامه د موسیقۍ یوه ډله جوړه کړې چې د ټولنیزو رسنیو له لارې مینه والو ته خپل هنر وړاندې کوي.
په پيښور کښي يو غيردولتي ښوونځي د زده کوونکو ترمنځ د کتاب لوستل دودولو په هیله د کوڅې کتابتون جوړ کړی دی. دا کتابتون د ښوونځي په یوه دیوال کې جوړ شوی او هره ورځ ترینه زده کوونکي او د سیمې اوسیدونکي کتابونه اخلي، لولي او بیرته یې ستنوي.
د پېښور پوهنتون د سیاسي علومو څانګې د انګلستان د سسیکس پوهنتون په همکارۍ په پاکستان کې د مهاجرت د اوږدمهاله بحران په اړه یو نړیوال کنفرانس جوړ کړی. په دې کنفرانس کې په خیبر پښتونخوا کې د میشتو افغان کډوالو د اقتصادي، ټولنیزې او په سیمه ییزه ټولنه باندې د اغیزو په اړه ارزونه وشوه.
پاکستان کې میشت افغان اتباع د ویزو د نه تمدید کېدو له کبله اندښمن دي. ډېر افغانان د خپلو خپلوانو د لیدو، د درملنې او یا هم دلته په قانوني توګه د اوسېدو لپاره یوه ویزه په زرګونو روپیو اخلي، خو د ویزو د غوښتنې رد کیدل چارواکو لپاره په یو کاروبار بدل شوی. شاهين افريدی- امريکا غږ
د پيښورپه حيات آباد لوبغالۍ کې د معلولينو او د ښوونځیو زده کوونکو لپاره یو درې ورځنی ورزشي فیسټیوال جوړ شوې و چي پکې د ۴۵۰ څخه زيات نارينه او ښځينه معلولو لوبغاړو په ۳۴ بيلا بيلو ورزشونو کي برخه درلوده.
'اندر شهر بازار' په پېښور ښار کې د سرو زرو او ګاڼو د پیر او پلور تر ټولو پخوانی او مشهور بازار ګڼل کیږي. دغه بازار ته د خيبرپښتونخوا ایالت ډیری خلک د واده او د خوښیو د نورو مراسمو لپاره د ګاڼو د پیرودلو لپاره ورځي.
د پېښور د سولې او پرمختګ مرکز لخوا خبريالانو لپاره دوه ورځنې غونډه جوړه شوې وه. د غونډې تنظیم کوونکي وايي چې د غونډې هدف دا و چې د څيړنيزو راپورونو پرمهال د جعلي خبرونو د مخنیوي په اړه د ګډونوالو پوهول وو. ګډونوالو وویل چې د AI په دور کې خلکو ته کره معلومات ورکول يوه لويه ننګوه ګرځيدلې.
د بلخ ولایت د مزار ښار اوسېدونکې روبينه عزيزي چې اوس له هیواده بهر میشته ده، د یو انلاين ښوونځي له لارې هغو نجونو ته په بیلابیلو برخو کې زده کړې برابروي چې د طالبانو د پالیسو له کبله له زده کړو محرومې پاتې شوې دي. شاهين افریدي یې په فعالیت او زیار دغه راپور چمتو کړی.
د کوهاټ په 'ګهمکول' کمپ کې د افغان ماشومانو لپاره د کمپيوټر یو مرکز جوړ شوی چې پکې کډوالو ماشومانو ته کمپیوټر او انګلیسي ژبې تر څنګ یو شمېر هنرونه ښودل کیږي.
د خيبر پښتونخوا په کوهاټ پوهنتون کي د 'سولې' تر سرلېک لاندې دوه ورځنۍ کلتوري ميله جوړه شوې وه. پدغه ميله کې چې د لومړي ځل لپاره د کوهات پوهنتون افغان محصلینو هم پکې برخه اخیستې وه، د افغانستان، خیبر پښتونخوا او قبایلي سیمو محصلينو د خپلو سیمو کلتوري توکي نندارې ته وړاندې کړل.
د پېښور 'جنګي محله' چې د کتابونو د چاپ لپاره ډیره مشهوره ده، په افغانستان کې د طالبانو له واکمنۍ وروسته په کې د کتابونو چاپول په ټپه دریدلی دی.
د پاکستان پایتخت اسلام اباد کې د رحمت العالمین جومات غریبانو ته د واده اسانتیاوې برابروي. دغه جومات بې وزلو خلکو ته وړیا خواړه، درمل او جامې هم ورکوي. ددې جومات مسئولین وايي چې هرکال شاوخوا ۷۰ زره کسان یې له خدمتونو ګټه پورته کوي. شاهين افريدي - امريکا غږ
وروسته له هغه چې د پاکستان حکومت د پنجاب او خېبرپښتونخوا مقاماتو ته سپارښتنه وکړه چې د اپریل تر ۱۵مې نېټې پورې د اې سي سي کارډ لرونکو افغان کډوالو په اړه معلومات راټول کړي، چې شمېر یې څومره دی او په کومو سيمو کې ژوند کوي، په خیبر پښتونخوا کې میشت افغان کډوال په انديښنه کې دي.
د سایبري امنیت کارپوه او د افغانستان د پکتيا ولايت اوسیدونکی عبيدالله چې د پيښور او بیا د اسلام اباد په معتبرو پوهنتونونو کې یې د سایبري امنیت په برخه کې لوړې زده کړې کړي دي، د نړيوالو شرکتونو سره د کارکولو ترڅنګ، ګڼ شمېر ځوانانو ته یې پدغه برخه کې د روزنې زمینه هم هواره کړې ده.
د پيښور اوسیدونکې حنا کنول له یوې لسیزې راهیسې مصنوعي ګاڼې جوړوي. هغه له دې لارې نه یوازې خپل کور چلوي، بلکې د افغان کډوالو په کمپونو کې نجونو ته هم د ګاڼو جوړولو مهارتونه ور زده کوي. پدغه ویډیو کې چې شاهین افریدي رالیږلې، د حنا کنول لخوا د جوړ شويو ګاڼو هنر انځور شوی دی.
د کوچني اختر د راسیدو په مناسبت د پېښور په بورډ بازار کې د نورو اختریزو توکو د پیرودلو ترڅنګ، افغاني کلچې هم زیات مینه وال لري. پدغه ویډیو کې په بورډ بازار کې کلچې پلورنکې انځور شوي دي. د بورډ بازار شاوخوا ۹۰ سلنه پېرودونکي او سوداګر افغان کډوال دي. ویډیو: شاهین افریدي
نور پورته کول