TV Schedule

د دې اونۍ د ژوند په امریکا کې خپرونه کې له یو امریکايي ځوان سره مرکه لرو چې نوی مسلمان شوی. اصف چې پخوا یې نوم آسټن وو، وایي چې افغانان یې خوښېږي په دې چې دوی ډیر ښه او مهربانه خلک دي.

تر یوې میاشتې جګړې وروسته، په غزه کې د اسرائیل لخوا په عملیاتو کې موقتې وقفه راغلې ده. د دېرش دقیقو په خپرونه کې ددې موضوع سربېره، له پاکستان څخه د کډوالو د ایستلو پر سر د پاکستاني او طالب چارواکو ترمنځ د ناندریو او د کرکټ نړیوال جام کې د افغانستان د کرکټ د ملي لوبډلې د سفر او لوبو په اړه بحثونه شوي دي.

ایا ممکنه ده چې پاکستان د طالبانو د حکومت په غوښتنه افغان کډوال افغانستان ته په زور ستانه کړي وي؟ دا پوښتنه مو د دې اوونۍ د حایل په خپرونه کې د پاکستان د مشرانو جرګې له پخواني غړي افراسیاب خټک او د افغانستان د وکیلانو د ټولنې له مرستیال عبدالسبحان مصباح څخه کړې ده. حایل خپرونه هره جمعه د افغانستان په وخت د ماښام په ۷:۰۰ بجو د امریکا غږ له سپوږمکۍ او ډیجیټل چینلونو څخه خپریږي.

د طالبانو چارواکو ویلي چې افغان سوداګر سر له نن جمعې کولای شي د ایران د چابهار بندر څخه د صادراتو او وارداتو لپاره کار واخلي. ایا چابهار د افغان سوداګرو دپاره د پاکستان د کراچۍ بندر بدیل کیدای شي؟ د نن شپې د سپینې خبرې په خپرونه کې پدې هکله خبرې کوو. دا خپرونه په ګډه په پښتو او دري ژبو هره شپه د افغانستان په وخت د ۸:۰۰ تر ۹:۰۰ پورې په رادیو اشنا او د امریکاغږ په سپوږمکۍ او ډیجیټلي خپرونو کې وړاندې کیږي.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.