TV Schedule

د بوعلي سینا ددې اوونۍ په خپرونه کې د سرطان ناروغۍ په اړه معلومات، د امریکا په کلیفورنیا ایالت کې د نشه یي توکو د زیانونو په هکله د پوهاوي د یو مرکز د فعالیت په اړه راپور، له زده کړو څخه د نجونو د بې برخې کولو او په روغتیايي سکټور باندې یې د اغیزې په اړه له ډاکټر نسرین اوریاخیل سره مرکه او د روغتیا له نړۍ څخه نور خبرونه او راپورنه شامل دي.

د افغان میرمنو او نجونو د حقونو لپاره د امریکا د بهرنیو چارو وزارت ځانګړې استازې رینا امیري ویلي، چې د طالبانو له خوا د بدحجابۍ په تور د افغان میرمنو او نجونو د نیولو لړۍ باید ودرول شي. د دوحې د ناستې په درشل کې به دا ډول وړاندیزونه د طالبانو په دریځ کې بدلون راوړي؟

د افغانستان د بیارغونې لپاره د امریکا څارونکې اداره یا سیګار، د ملګرو ملتونو د بشری حقوقو د ملاتړو سازمانونو د معلوماتو له مخې ویلي، چې د اقتصادي فشارونو د زیاتیدو له امله په افغانستان کی د نجونو جبري ودونه زیات شوی دي. ولې او چاره څه ده؟ په نننۍ خپرونه کې پر همدې موضوع، د کلتوري او سیاسي چارو له کارپوه، توریالي ځاځي سره خبرې کوو.‌

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. دا خپرونه هره شنبې د شپې په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي.