TV Schedule

د انسان پر لید باندې د مخدره توکو د زیات او اوږدمهاله استعمال اغیز، د رواني ناروغیو د مخنیوي لارې چارې، د الزایمر درملنه او په لویانو کې د دې ناروغۍ د ځنډولو لارې چارې، په افغانستان کې د خوارځواکۍ د پیښو زیاتوالی او نور روغتیایي مطالب د بو علي سینا ددې اونۍ په خپرونه کې کتلای شئ.

د امریکا غږ اشنا د شنبې په خبري خپرونه کې په افغانستان کې د خلکو په رواني ستونزو، لبنان کې د ملګرو ملتونو د دوه سوله ساتونکو ځواکونو د ټپي کېدو او د پښتنو د قامي عدالت د جرګې د پیل کېدو په اړه مهم خبرونه خپرېږي.

امریکا نه یوازې د ریچارد بنیټ د ماموریت د غځیدو هرکلی کړی بلکې پر افغانانو په ځانګړي ډول یې پر ښځو او نجونو د امربالمعروف د نوي قانون د پلي کیدو د منفي اغیزو په اړه د هغه راتلونکی راپور خورا مهم بللی دی. دا چې د افغان میرمنو په اړه د ریچارد بینټ راتلونکی راپور څومره مهم دی، د سپینې خبرې په خپرونه کې په همدې موضوع بحث کیږي.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. دا خپرونه هره شنبې د شپې په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي.