TV Schedule

د اتصال خپرونې لومړی بحث د پاکستان په ټاکنو کې د پښتنو ملتپالو د ناکامۍ پر لاملونو او اغېزو متمرکز دی او په دوهم بحث کې د افغانستان د خصوصي بانکونو ستونزو ته کتنه کېږي.

د افغانستان د عامې روغتیا وضعیت، د داعش د جلب او جذب په تړاو د ملګرو ملتونو د امنیت شورا د نوي راپور مهم ټکي، په پاکستان کې د نوي حکومت د جوړولو پر لارې سیاسي خنډونه او د متحده ایالاتو د ټاکنو د کمپاین معلومات؛ دا او نور د امریکا غږ اشنا په خبري ټولګه کې وګورئ.

د ملګرو ملتونو د امنیت شورا تازه رپوټ وايي افغانستان کې داعش نوې تګلاره غوره کړې او خلک استخداموي. دا موضوع څومره جدي ده؟ د سپینې خبرې په خپرونه کې ورباندې بحث شوی.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰