TV Schedule

په پېښور کې د کډوالو په چارو کې د ملګرو ملتونو ویاند قیصر افریدي د امریکا غږ سره په ځانګړې مرکه کې وویل چې د پاکستان د حکومت څخه یې غوښتي‌ چې افغان کډوال په زوره له خپلې خاورې و نه باسي، ځکه په افغانستان کې وضعیت ناڅرګند دی. ښاغلی افریدی وايي، د پاکستاني چارواکو سره په خبرو بوخت دی،‌ څو د (پي او ار) کارت لرونکو کډوالو لپاره په پاکستان کې د پاتې کیدو موده وغځوي.

ملګرو ملتونو له نړۍ غوښتي چې پر افغانو میرمنو او نجونو د ظلم پای ته رسیدلو لپاره عاجل اقدامات وکړي. پدې هکله نن د اتصال په خپرونه کې بحث شوی دی. د فوټبال نړیوال جام ته د افغانستان د رسېدو هڅو ته هم لنډه کتنه شوېده.

د قطر پایتخت دوحه کې د افغانستان په اړه د ملګرو ملتونو راتلونکې غونډه کې د ګډون په هدف د طالبانو د ګډون لپاره هڅې، د فلسطینیانو سره د امریکا د نورو بشري مرستو اعلان، د پاکستان څخه د شړل شوي یو افغان کډوال کیسه، او د افغانستان او نړۍ نور خبرونه د امریکا غږ اشنا په خبري ټولګه کې وګورئ.

د ملګرو ملتونو یو چارواکي په افغانستان کې له طالبانو غوښتي دي چې د قطر په پلازمینه دوحه کې د افغانستان په هکله د ملګرو ملتونو لخوا جوړېدونکې غونډې کې برخه واخلي. نوموړي دا غونډه افغانستان ته د پام اړولو ښه فرصت بللی. د نن او وضعیت په خپرونه کې پر دغې او د افغانستان او نړۍ پر نورو روانو مسئلو بحثونه او راپورونه خپریږي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰