TV Schedule

د ژوند په امریکا کې د دې اونۍ په خپرونه کې له عنایت نادري سره آشنا کېږو چې دلته په امریکا کې د کډوالۍ د بیلابیلو ستونزو سره سره توانېدلی د ځان لپاره ښه ژوند او کار برابر کړي.

د بغلان د پلخمري په یو جومات کې چاودنه، د هرات له زلزلې وروسته وضعیت او د زلزله‌ځپلو سره د مرستو څرنګوالی، سیمې ته د حماس او اسرائیل د جګړې د پراخېدو وېره، او د نړۍ او افغانستان په اړه نور خبرونه د ۳۰ دقیقې په دغه خپرونه کې وګورئ.

په دغه تلویزیوني خپرونه کې د بېلابېلو اړخونو سره په مخامخ، ژورو او تودو بحثونو کې د افغانستان، سیمې، او نړۍ مهم سیاسي، امنیتي، اقتصادي، او ټولنیز موضوعات څېړل کېږي. دا نیم ساعته، اونیزه خپرونه، هره جمعه د ماښام پر اووه نیمې بجې، د امریکاغږ د سټلایټ او ډیجیټلي خپرونو له لارې خپریږي.

د افغانستان لپاره د روسیې د ولسمشر ځانګړی استازی ضمیر کابلوف وایي، په افغانستان کې د ټولشموله حکومت تر جوړېدو وروسته کېدای شي طالبان په رسمیت وپيژندل شي. خو ایا طالبان به د ټولشموله حکومت د جوړېدو په اړه د نړۍ غوښتنې ته مثبت ځواب ووايي؟ د سپینې خبرې په دې خپرونه کې په دې هکله خبرې کوو.

د نن او وضعیت خپرونه کې کوربه مطیع الله عابد د کرکټ مبصر احمد فرهاد فدایي سره د کرکټ په نړیوال جام کې د افغانستان په شوو او راتلونکو سیالیو خبرې کوي.

نن ستاسو غږ خپرونه کې په دې موضوع د اورېدونکو تبصرې اورو چې د هرات د زلزله ځپلو سره د نړیوالو او کورنیو مرستو څخه خلک څومره راضي دي؟

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.