TV Schedule

د بوعلي سینا ددې اوونۍ په خپرونه کې؛ په افغانستان او د نړۍ په نورو برخو کې د اختر په ورځو کې د ډاکټرانو او روغتیايي کارکوونکو د خدماتو، د درملنې په لارو چارو د ناروغ پوهول او د محرمیت په اړه بحث، د ملاریا د مقاوم ډولونو او د هغې د درملنې د لارو چارو په اړه د معلوماتو په ګډون د روغتیا نړۍ څخه خبرونه او راپورونه کتلای او اوریدلای شئ.‌

د امریکاغږ اشنا د شنبې په خبري ټولګه کې د ایران او اسرائیل ترمنځ د جګړې د اټکل، د ترهګرو د برید نه د امریکا د اندېښنو او د فورډ کمپنۍ د موټرونو خرڅلاو په اړه مهم راپورونه خپرېږي.

د افغانستان د بیا رغونې لپاره د متحده ایالاتو د سرمفتش دفتر "سیګار" ویلي چې د داعش خراسان څانګه، نه یوازې طالبانو ته، بلکې امریکا او د هغې متحدینو ته هم ګواښ دی. آیا د داعش د فعالیتونو د مخنیوي لپاره کومې تګلارې شتون لري؟

په افغانستان کې نابینایان تر نورو خلکو ډیرې ستونزې لري. د نن او وضعیت په خپرونه کې د افغانستان د نابینایانو د ټولنې له رئیس احسان صمېم او دوه نابینا نجونو سره پدې اړه چې حکومت یا نورې خیریه موسسې د نابینایانو سره څه ډول مرستې کولی شي، بحث کوو.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. دا خپرونه هره شنبې د شپې په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي.