TV Schedule

د طالبانو له خوا د اخلاقي جرمونو په تور د ډاکټرانو او روغتیايي کارکوونکو د ځورونې زیاتوالی، د غیر مسلکي وزن پورته کولو او د بدن جوړونې نه جبرذان کیدونکې روغتیايي ستونزې، د زړه د سکتې لاملونه او مخنیوی، په افغانستان کې د کولرا د پېښو زیاتوالی، په ناپاکو اوبو کې د لامبو وهلو له امله د پولیو په ګډون د مختلفو ناروغیو سرایت، د نري رنځ سریع ازموینه او د مخدره توکو د پلور او قاچاق د زیاتوالي په اړه اندیښنه او په ټولنه باندې د هغې روغتیایي اغیزې د دې اونۍ د بو علی سینا په پروګرام کې شامل دي.

د امریکاغږ اشنا د شنبې په خبري ټولګه کې د پاکستان او ایران څخه د کډوالو په ستنېدو، پاکستان کې د مخابراتو په نه خوندیتوب، او د بدن ښکلا د سیالیو په اړه راپورونه خپرېږي.

د سپینې خبرې په خپرونه کې په افغانستان، سیمه او نړۍ کې د ورځنیو پیښو په اړه د نظر د خاوندانو او څیړونکو تاوده بحثونه تعقیب کړئ. دا خپرونه په ګډه په پښتو او دري ژبو هره شپه د افغانستان په وخت د ۸:۰۰ تر ۹:۰۰ پورې په رادیو اشنا او د امریکاغږ په سپوږمکۍ او ډیجیټلي خپرونو کې وړاندې کیږي.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. دا خپرونه هره شنبې د شپې په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي.