TV Schedule

د اتصال په خپرونه کې په افغانستان کې د بشري حقونو په هکله د نړیوالو سازمانونو په تازه راپور او د افغانستان د ځوانانو په وضعیت خبرې شوي.

د طالبانو د واک د درې کلنۍ په درشل کې د افغانستان د وضعیت په اړه د نړیوالو مرستندویو سازمانونو اندېښنه، د اسرائیل په وړاندې له ایران څخه د زغم د غوښتنې رد کېدل، په امریکا کې د ولسمشریزو ټاکنو لپاره مبارزې، او د افغانستان او نړۍ نور خبرونه د امریکا غږ اشنا په خبري ټولګه کې وګورئ.

د طالبانو د واک د درې کلنۍ په درشل کې یو شمیر نړیوالو مرستندویو ادارو خبرداری ورکړی چې افغانستان د نړیوالې ټولنې له ملاتړ پرته "له یاد څخه د یو وتلي بحران " د ګواښ سره مخ دی. ایا نړۍ په ریښتیا له افغانستان څخه مخ اړولی دی؟ د سپینې خبرې په خپرونه کې پدې موضوع بحث کیږي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰