TV Schedule

د بوعلي سینا ددې اوونۍ په خپرونه کې؛ د هرات زلزله ځپلو د روغتیايي وضعیت، سرپناه او بشري مرستو څېړنه، د رواني ناروغیو لاملونه، د ملا درد او د مخنیوي او درملنې لارې چارې یې، د دماغي تومورونو د تشخیص او درملنې څرنګوالی او د پارکینسن ناروغۍ د ودې څخه د مخنیوي په ګډون د روغتیا له نړۍ څخه خبرونه او راپورونه شامل دي.

د امریکاغږ د اشنا د شنبې په خپرونه کې؛ پر غزې د اسرائیل د ځمکني یرغل لپاره د چمتوالي، د زلزله ځپلو لپاره د مرستو د برابرولو او په افغانستان کې د ښځو لپاره کاري فرصتونو په اړه مهم راپورونه خپروو.

ملګرو ملتونو او ګڼ شمیر هېوادونو د اسرائیل د هغه ضرب الاجل په وړاندې چې د غزې په تړانګه کې یې د څه باندې یو میلیون ملکیانو څخه غوښتي چې په ۲۴ ساعتونو کې د غزې د شمال څخه جنوب ته ولاړ شي، غبرګون ښودلی او هغه یې غندلی دی. نن د سپینې خبرې په پروګرام کې د کارپوهانو سره په دې بحث کوو چې د فلسطینانو او اسرائیل ترمنځ د جګړو اصلي ریښه او د حل لارې څه دي؟

د نن او وضعیت په خپرونه کې له میلمه سره د غزی تخلیه، ددې سیمې څخه د عامو وګړو وتل، د جګړې قوانین او فلسطینانو او اسرائیلو د شخړې تاریخي ریښې په اړه بحث لرو. میلمه : څیړونکی ډاکټر سنګروال

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان ځانګړې خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. د تازه پرمختیاو، نوښتونو او د بشر د ژوندانه د مختلفو اړخونو اړوندو نویو اختراعګانو په هکله د کاروان د اونیزې خپرونې کتل چې د شنبې په شپو په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي، مه هیروئ.