TV Schedule

دا اونۍ د ژوند په امریکا کې خپرونه کې د اریانا موزیک سټډیو چلوونکي‌ ولي اشپاري سره د احمد ظاهر د یادونو او مشهورو سندرو په اړه خبرې شوي دي.

په افغانستان کې د طالبانو لخوا له شپږم ټولګي پورته د نجونو پر زده کړو د بندیز ۱۰۰۰ ورځې، د افغانستان په اړه د دوحې درېیمه مشورتي غونډه او د ملګرو ملتونو غوښتنې، د کرکټ نړیوال جام کې اتو غوره لوبډلو (سوپر۸) پړاو ته د افغانستان وتل، او د افغانستان او نړۍ نور خبرونه د دېرش دقیقو په خپرونه کې وګورئ.

د افغانستان د کرکټ ملي ټيم د ۲۰۲۴ کال شل اوریزو نړیوال جام سیالیو کې پخپل ګروپ کې په لومړي مقام کې دی او د لومړي پړاو وروستۍ لوبه يې د جون په شلمه د ویسټ انډیز سره ده. د حایل په خپرونه کې د افغانستان کرکټ بورډ د رئیس میرویس اشرف او د ۱۹کلنو ملي ټیم پخواني روزونکي، دولت احمدزي سره خبرې شوي.

افغانستان کې د نجونو پر زدکړه د طالبانو د محدودیت زر ورځې وشوې او ګڼو بنسټونو د نجونو د ښوونځیو د پرانیستلو کمپاین پیل کړی. ایا طالبان به ټولو نجونو ته د زدکړو اجازه ورکړي؟ د سپینې خبرې په خپرونه کې پدې موضوع بحث شوی.

قرغزستان وایي چې د اسلامي دولت ډلې ۱۵ شکمن ملاتړي یې نیولي چې ځینې یې له افغانستان سره اړیکه لري. د نن او وضعیت په دې پروګرام کې په دې غږیږو چې آیا د داعش خراسان څانګه په افغانستان کې فعالیت لري‌ که نه او سیمې او نړۍ ته هم ګواښ متوجه کولی شي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.