TV Schedule

په دې اونۍ د "ژوند په امریکا کې" خپرونه کې، موږ له یو افغان اقتصادي متخصص سره ځانګړې مرکه لرو. دغه متخصص په اسلامي هیوادونو کې د مالیاتو پر ځای د زکات د اخیستلو په اړه تحقیق کړی او باور لري چې دا سیستم د عایداتو او ټولنیز عدالت په برخه کې نوې لارې پرانېستلای شي. په دې مرکه کې به له هغه واورو چې څنګه د زکات سیستم د اقتصادي پرمختګ او سوکالۍ لپاره د یو بدیل په توګه کارول کیدای شي.

د نړۍ د اقلیم په اړه د "کوپ۲۹" په نوم کلنۍ غونډه د اذربایجان په پلازمېنه باکو کې پیل شوې ده. د دېرش دقیقو په خپرونه کې په نړۍ کې د اقلیمي بدلون او په نړیواله کچه د هوا ککړیدو په اړه بحث کتلای شئ. د خپرونې په دویمه برخه کې په افغانستان کې د بشري وضعیت په اړه بحث شوی دی.

د حایل په خپرونه کې د اذربایجان په پلازمینه باکو کې د کوپ۲۹ کلنۍ غونډې په اړه بحث شوی دی. په دې غونډه کې د اقلیم د بدلون له کبله د اغیزمنو شویو بې وزلو هېوادونو سره د مرستې په لارو چارو غور کیږي.

پاکستان د طالبانو حکومت ته خبرداری ورکړ چې د ترهګرو ډلو سره د مبارزې په اړه د اسلام اباد غوښتنه جدي وګڼي او د پاکستان د خلکو زغم دې نه ازمايي. ولې پاکستاني چارواکي په خپل هېواد کې د ناامنیو پړه پر افغانستان اچوي؟ د سپینې خبرې په خپرونه کې په دې موضوع بحث کیږي.

د نن او وضعیت په خپرونه کې په افغانستان کې د قصاص د حکم پلې کېدو ته د غبرګونونو په دوام بحث شوی دی.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.