TV Schedule

یو شمېر امریکا میشتو افغانانو د قدم په نوم خیریه ټولنه جوړه کړې چې په افغانستان کې خلکو ته په مسلکي برخو کې زدکړې ورکوي. دا اونۍ د ژوند په امریکا کې خپرونه کې د دې ټولنې په کړنو خبرې کوو.

د دیرش دقیقو په خپرونه کې د افغان مېرمنو پر وضعیت په اروپا او امریکا کې د نړیوالو سازمانونو پر اندېښنو، د افغانستان او ایرلنډ ترمنځ د کرکټ په لوبو او نورو مسایلو بحث او راپورونه خپریږي.

د حایل په خپرونه کې د نجونو پر زده کړه د طالبانو د بندیز په اړه د کابل پوهنتون له استاد قاضي نجیب الله جامي او د ښځو د حقونو له فعالې تمنا زریاب پریاني سره بحث شوی دی.

ټاکل شوې چې نن د ملګرو ملتونو امنیت شورا د یوناما کاري موده وغځوي. یوناما د افغانستان په چارو کې څومره ګټور رول لري؟ د سپینې خبرې په خپرونه کې پدې مسئله بحث کیږي.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.