TV Schedule

د اتصال په خپرونه کې د طالبانو د حکومت د درې کلونو پوره کېدو په مناسبت ددغه حکومت په مختلفو اړخونو په پولند کې د افغانستان سفیر طاهر قادري، د پخوانۍ ولسي جرګې غړي خالد پښتون او د سیاسي چارو شنونکي هاتف مختار سره بحث شوی دی.

د مشروعیت د ترلاسه کولو لپاره د طالبانو له هڅو څخه نیولې تر بشري او اقتصادي کړکیچ پورې، د دې ډلې تر واکمنۍ لاندې د ښځو وضعیت، مدني او د بیان ازادي؛ د امریکا غږ د سپوږمکۍ، ډیجیټلي‌ شبکو او راډیويي چینلونو په ځانګړو پروګرامونو کې وګورئ.

پر افغانستان د طالبانو د بیاواکمنۍ درې کاله پوره کېدو سره د ملګرو ملتونو د بشري حقونو شورا کارپوهانو پر نړیوالې ټولنې غږ کړی چې په دغه هیواد کې دې د طالبانو او د هغوی رژیم د عادي کېدوڅخه ډډه وکړي. د امریکا غږ د سپينې خبرې په خپرونه کې د طالبانو د واکمنۍ د درې کلونو پوره کېدو په اړه بحث کتلای شئ.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰