TV Schedule

د افغانستان لپاره د پاکستان پخواني ځانګړي استازي اصف دراني په نړیواله ټولنه غږ کړی چې افغانستان یوازې پرې نږدي او په امریکا کې د ۲۰۰۱ کال د سپټمبر ۱۱مې بریدونو ته په اشارې یې یو ځل بیا دا اندېښنه تکرار کړې چې په افغانستان کې "د سپټمبر په څیر یو څه پېښېدی شي." له امریکا غږ سره په مرکه کې دراني د افغان پالیسۍ په جوړولو او چلولو کې د پاکستان د پوځ د رول په اړه له څه ویلو ډډه وکړه.

په افغانستان کې د طالبانو له لوري د ساکښو موجوداتو د تصویرونو او ویډیوګانو پر خپرولو بندیز او د تخار د محلي تلویزیونونو بندیدل. ایا افغانستان کې تلویزیونی نشرات د درېدو د خطر سره مخ دي؟ د اتصال په خپرونه کې په دې اړه له میلمنو سره خبرې شوي دي. همداراز په افغانستان کې د پولیو د واکسین د تطبیق ځنډېدو ته لنډه کتنه شوې ده.

په پاکستان کې د شانګهای همکارۍ سازمان غونډه، د ایراني ځواکونو لخوا د افغان کډوالو د وژنې تورونه، غزې ته د مرستو رسولو په اړه اسرائیل ته د امریکا خبرداری، او د افغانستان او نړۍ نور خبرونه د امریکا غږ اشنا په خبري ټولګه کې وګورئ.

د نن او وضعیت په خپرونه کې په ایران او پاکستان کې له افغانانو سره د ناوړه چلند د راپورونو په اړه بحث شوی دی.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰