TV Schedule

د بوعلي سینا ددې اوونۍ په خپرونه کې د چورې ناروغۍ د هغې د مخنیوي او درملنې پر لارو چارو، د بدهضمۍ په اړه معلومات، په دوبۍ کې د اقلیمي بدلون په سرمشریزه کې په روغتیا باندې د هوا د ککړتیا اغیزې، د ملاریا د پیښو د زیاتوالي خطر، روغتیا او کورنۍ تاوتریخوالی او د انسان پر بدن د میتامفیتامین اغیزې په ګډون د روغتیا نړۍ څخه خبرونو او راپورونو شامل دي.

د شنبې په خپرونه کې د طالبانو له خوا د یوې ښځینه فعالې پر خوشې کېدو، د اسرائیل د پوځ لخوا د ځینو برمته خلکو وژل کېدو او د کرکټ سره د ځوانانو د لیوالتیا په اړه مهم راپورونه خپروو

د ملګرو ملتونو د سازمان سرمنشي وايي، په افغانستان کی د ٢٠٢٣ کال د اګسټ له لومړۍ نېټې څخه د اکتوبر تر ۲۲ پوری، د تیر کال د همدی مودی په پرتله، په امنیتي پیښو کې دوه فیصده زیاتوالی راغلی. د امنیتي پیښو د زیاتیدو لاملونه څه دي؟ د طالبانو د پوځي وړتیاو کمیدل یا د مخالفینو غښتلي کیدل؟ د سپینې خبرې خپرونه هره شپه د افغانستان په وخت د اتو بجو څخه تر نهو بجو پورې د اشنا رادیو او د امریکاغږ د سپوږمکۍ او ډجیټلي خپرونو له لارې خپریږي.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

په داسې حال کې چې هوا سړه شوې او د ژمي موسم پیلېدو ته یوازې یو څو ورځې پاتې دي، یو شمېر افغانان سخت ژمي او د ژمي د تېرولو لپاره د کافي وسایلو نه شتون ته اندېښمن دي. د ستاسې غږ په خپرونه کې د روان ژمي پر مهال د افغانانو ستونزو او هغو ته د افغانانو د چمتووالي په اړه بحث کوو. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان ځانګړې خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. د تازه پرمختیاو، نوښتونو او د بشر د ژوندانه د مختلفو اړخونو اړوندو نویو اختراعګانو په هکله د کاروان د اونیزې خپرونې کتل چې د شنبې په شپو په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي، مه هیروئ.