TV Schedule

په امریکا کې ځیني افغانان داسې واړه خدماتي شرکتونه جوړوي چې ښه عاید لري. دا اونۍ د ژوند په امریکا کې په خپرونه کې له یو افغان سره غږیدلي یو چې په ویرجینیا ایالت کې ساختماني شرکت لري.

د دوحې له غونډې څخه د افغانانو هیلې، د افغانستان په اړه د امریکا د کانګرس په استماعیه غونډه کې د زلمي خلیلزاد څرګندونې، او د افغانستان او نړۍ ددې اونۍ نور خبرونه د ۳۰ دقیقې په خپرونه کې وګورئ.

د حایل ددې اونۍ په خپرونه کې، له طالبانو او د هغوی له مخالفو جبهو سره د نړیوالې ټولنې د چلند په اړه بحث شوی دی.

د امریکا د کانګرس په استماعیه غونډه کې په افغانستان کې د ستونزو پر لاملونو بحث شوی. دا ډول غونډې څه ګټه لري؟ د سپینې خبرې په خپرونه کې ورباندې بحث شوی.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.