TV Schedule

د اتصال په دې خپرونه کې، له ترهګرو ډلو څخه د طالبان د ملاتړ په هکله د ملګرو ملتونو او پاکستان اندیښنو سربیره د جرمني په مونشن امنیتي سرمشریزه کې د کډوالو په اړه د امریکا د ولسمشر د مرستیال جې ډي وینس په څرکندونو بحث شوي دي. دغه نیم ساعته خپرونه له یکشنبې تر پنجشنبې، هر مازدیګر د کابل پر شپږنیمو بجو، په ژوندۍ بڼه خپرېږي.

د امریکاغږ اشنا د نن یکشنبې په خپرونه کې د ملګروملتونو امنیت شورا کې د افغانستان په اړه د چین او امریکا اختلافاتو، په امریکا کې د غیرقانوني مهاجرت پر وړاندې قانوني اقداماتو او د اوکراین منرالونو ته د امریکا لاسرسي په اړه راپورونه ګورئ.

د سپینې خبرې په خپرونه کې په افغانستان، سیمه او نړۍ کې د ورځنیو پیښو په اړه د نظر د خاوندانو او څیړونکو تاوده بحثونه تعقیب کړئ. دا خپرونه په ګډه په پښتو او دري ژبو هره شپه د افغانستان په وخت د ۸:۰۰ تر ۹:۰۰ پورې په رادیو اشنا او د امریکاغږ په سپوږمکۍ او ډیجیټلي خپرونو کې وړاندې کیږي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰