TV Schedule

د اتصال په دې خپرونه کې، به افغانستان ته په زور د کډوالو لیږلو او د هغوی په ننګونو سربیره د اختر په رارسیدو سره په د غه هیواد کې د خلکو په اقتصادي وضعیت او د ورستیو طبیعي پیښو له کبله د ژوند لمړنیو اسانتیاو په نشتون خبرې شوي دي. دغه نیم ساعته خپرونه له یکشنبې تر پنجشنبې، هر مازدیګر د کابل پر وخت پر شپږنیمو بجو، په مستقیمه بڼه خپرېږي.

د امریکاغږ اشنا د یکشنبې پدې خپرونه کې به په دوحه کې د ملګروملتونو درېیمې مشورتي غونډه کې د طالبانو د ګډون او سیمه ایزه همکارۍ تفصیل واورئ. په سعودي کې د لوی اختر لمانځل او افغانستان کې نه لمانځلو علتونه، او په لندن کې د احمد ظاهر په یاد د هنري غونډې جزییات وړاندې کیږي.

د طالبانو د حکومت ویاند د ملګرو ملتونو په کوربتوب د افغانستان په هکله د دوحې په دریمه غونډه کې ددې ډلې د پلاوي د ګډون خبر ورکړی دی. پدې غونډه کې د طالبانو د ګډون پایلې به څه وي؟

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰