TV Schedule

د جمهوریت تر سقوط وروسته، ډېری افغان پانګوال اړ شول چې خپل وطن پرېږدي. دا اونۍ د ژوند په امریکا کې په خپرونه کې له یوې داسې مېرمنې سره خبرې کوو چې په افغانستان کې یې یوه تولیدي فابریکه او د بیا کارونې شرکت درلود، او لا هم دا هیله لري چې خپل وطن ته ستنه شي او هلته خپلې چارې بېرته پیل کړي.

د ۳۰ دقیقې په اونیزه خپرونه کې چې په دري او پښتو ژبو د هرې جمعې په شپه خپریږي، د اونۍ مهمو پیښو، رپوټونو او مرکو ته کتنه کیږي او د ورځنیو پیښو په اړه تازه او هر اړخیرې ارزونې وړاندې کوي.

د حایل په خپرونه کې په افغانستان کې د نجونو پر مخ د تعلیمي مرکزونو د تړل کېدو د لاملونو او د طالبانو د واکمنۍ په درېو کلونو کې د امنیتي اندېښنو په اړه د سیاسي چارو د شنونکي سید بلال احمد فاطمي او د انډیانا پوهنتون د بشري علومو د استاد نظیف شهراني سره بحث شوی دی.

د بشري حقونو یو شمېر سازمانونو د طالبانو د درې کلنې واکمنۍ پرمهال په افغانستان کې د بشري وضعیت په اړه اندیښنه ښودلې ده. د طالبانو تر واک لاندې افغانستان له څه ډول وضعیت سره مخ دی؟ د سپینې خبرې په خپرونه کې پدې اړه بحث کیږي.

د نن او وضعیت په پروګرام کې په افغانستان کې د سیاسي ګوندونو او جریانونو په وضعیت بحث شوی. طالبانو ټول سیاسي ګوندونه ملغا کړي او ویلي یې دي چې د سیاسي ګوندونو جوړول او نوم اخیستل جرم دي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.