TV Schedule

د جمهوري دورې پخواني امنیتي او سیاسي چارواکي محمد معصوم ستانکزي د امریکاغږ سره په ځانګړې مرکه کې ویلي چې په سیمه کې ناامني د افغانستان پرضد د پاکستان د تیرو لسیزو ناکامه سیاستونه دي چې تندلاري نیابتي ګروپونه يی روزل او نن يي خپل هیواد ته خطر پېښ کړی. د ښاغلي ستانکزي په باور پاکستاني طالبان او نورې جنګي ډلې پاکستان روزلي او اوس يي د اختیاره وتلي دي. ستانکزي پدې مرکه کې د افغان طالبانو غوښتي چې د ولس غوښتنو او مشورو ته غوږ ونیسي او د داخلي او نړیوال مشروعیت ترلاسه کولو دپاره د ټولو افغانانو په خوښه نظام جوړ کړي.

د اتصال په خپرونه کې د افغانستان او پاکستان ترمنځ د لارو بندېدو پر لاملونو بحث شوی. په دې خپرونه کې د امریکا د ولسمشرۍ پیلیزو ګوندي ټاکنو ته هم کتنه شوې ده.

په افغانستان کې د بیړنیو مرستو کمښت، پر پاکستان، عراق او سوریې د ایران بریدونه او په دې اړه غبرګونونه، د تورخم دروازې د بندیدلو پرضد د ځایي سوداګرو او خلکو احتجاجونه، او د افغانستان او نړۍ نور خبرونه د امریکا غږ اشنا تلویزیون په خبري ټولګه کې وګورئ.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰