TV Schedule

د بوعلي سینا ددې اوونۍ په خپرونه کې؛ د معدې د سرطان د نښو او نښانو په اړه معلومات، د افغانستان د روغتیايي سیستم د وضعیت په اړه د بشري حقونو د څار ادارې راپور، د پښې د هډوکو د جراحۍ تر ټولو لنډ عملیات، د تنکیو ځوانانو پر وړاندې د کورنیو مسؤولیت او د روغتیا له نړۍ څخه تازه ‌خبرونه شامل دي.

د امریکا غږ د اشنا د شنبې په خپرونه کې د طالبانو سره د نړۍ د تعامل، روسیې د حکومت د مخالف سیاستوال ناوالني په مړینه اندیښنې او په بهرنیو مارکېټونو کې د افغانستان د توکو په اړه مهم راپورونه خپروو.

د افغانستان لپاره د ملګرو ملتونو مرستندویه پلاوي (یوناما) په خپل یو تازه رپوټ کې ویلي چې د طالبانو په رسمیت پیژندل به د ښځو د حقوقو ستونزی نورې هم زیاتې کړي. ایا د دوحې په غونډه کې به د معترضو ښځو غږ واوریدل شي؟

شیر محمد عباس ستانکزي د افغانستان او پاکستان ترمنځ د تګ راتګ دپاره د پاسپورت او ویزې له غوښتنې سره مخالفت څرګند کړی او ویلي یې دي چې "مونږ په ټول عمر کې د ډیورنډ کرښه نه په رسميت پیژندلې او نه یې پيژنو." بلخوا پاکستان ویلي‌ چې د ډیورنډ په اړه خیالي‌ ادعاوي نړیوال قوانین نشي بدلولی. د نن او وضعیت په نننۍ خپرونه کې د پروګرام له میلمه، محقق او لیکوال شهنواز سنګروال سره پر همدې موضوع خبرې کوو.‌

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. دا خپرونه هره شنبې د شپې په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي.