TV Schedule

په دې اوونۍ د ژوند په امريکا کې په خپرونه کې، د کليفورنيا په سکرمنټو ښار کې له يوې افغان کورنۍ سره د مهاجرت د ژوند په ستونزو، د کار او کورنۍ ژوند د سمبالولو، د ماشوم د روزنې، او له ټولنيزو او کلتوري ننګونو سره د مبارزې په اړه خبرې شوي دي.

د ایټالیا او البانیا ترمنځ د یو تړون له مخې هغه پناه غوښتونکي چې مخکې مستقیما د ایټالیا له لارې نورو اروپايي هیوادونو ته تلل، اوس البانیا ته لیږل کیږي. د دېرش دقیقو په خپرونه کې ددې برسېره په افغانستان کې په رسنیو کې د ساکښو موجوداتو د تصویرونو په خپرولو د طالبانو د بندیز په اړه هم بحث کتلای شئ.

د حایل په خپرونه کې، په خیبر کې د پښتنو د جرګې د پایلو په اړه ددې جرګې د ګډون کوونکي مولانا خانزیب او د افغانستان د کورنیو چارو د پخواني وزیر او د متحده ایالاتو د دفاعي پوهنتون استاد علي احمد جلالي سره بحث شوی دی.

د ایران د سرحدي ځواکونو له خوا د لسګونه افغان کډوالو د وژل کیدو تر راپورونو وروسته، د افغان میرمنو او بشري حقونو‌ چارو کې د امریکا ځانګړې استازې رینا امیري په دې اړه د روښانه څیړونه غوښتنه کړې. د سپینې خبرې په خپرونه کې پدې اړه بحث شوی.

سره له دې چې په افغانستان کې د بشري وضعیت په اړه اندیښنې زیاتې شوې دي، د خوړو نړیوال پروګرام وايي چې د ۲۰۲۴ په سپټمبر میاشت کې یې له ۲۵۰ زرو څخه زیاتو بې وزلو سره مرسته کړې ده. د نن او وضعیت خپرونې په دویمه برخه کې د هاضمې جهاز په اړه د خپرونې له میلمه سره بحث کتلای شئ.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.