TV Schedule

د اتصال په دې خپرونه کې افغانستان ته د کډوالو بیرته ستنولو په اړه د ملګرو ملتونو اندیښنو او په افغانستان کې د پخواني نظام پوځیانو په حال او احوال بحث شوی. دغه نیم ساعته خپرونه له یکشنبې تر پنجشنبې، هر مازدیګر د کابل پر شپږ نیمې بجې، په ژوندۍ بڼه خپرېږي.

د امریکاغږ اشنا د یکشنبې په خپرونه کې په افغانستان کې د طالبانو د حکومت او پاکستان پر اړیکو راپور لرو او د سیمې په سوداګرۍ ارزونه به واورئ. په سوریه کې د نیابتي ډلو پرضد د امریکا دریځ وړاندې کوو او په کابل کې د محصلینو د نوښتونو نندارتون تفصیل هم ګورئ او اورئ.

افغان سوداګر وایي په پاکستان کې ورته ډیر مالي زیانونه پیښ شوي. په افغانستان کې د طالبانو د حکومت او پاکستان د اړیکو خرابیدل د دواړو هیوادونو پر ولسونو او سیمه څه ډول اغیز لرلی شي؟

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰