TV Schedule

د نړیوال پرمختګ او د اوبو د زېرمو څېړونکی یار محمد تره کي د امریکا غږ سره په ځانګړې مرکه کې وویل، چې افغانستان د اوبو د زېرمو له اړخه یو بډایه هیواد دی، خو په تېرو کلنو کې په دغه هیواد کې د اوبو په برخه کې له ظرفیتونو ګټه اخیستل شوې نه ده. ښاغلی تره کی وايي، د اوبو مدیریت لا هم یوه ستره ننګونه ده.

د اتصال په خپرونه کې پر هغو راپورونو بحث شوی چې وايي د افغانستان په اړه د دوحې راتلونکې غونډې ته د مدني ټولنې استازي ندي بلل شوي. په دې خپرونه کې پښتو ژبې ته د کتابونو د ژباړې څرنګوالي ته هم کتنه شوې ده.

دوحې ته د ملګرو ملتونو په غونډه کې د افغانستان د حاکمو چارواکو په توګه د طالبانو بلل کیدل، په امریکا کې د مریېتوب د پای د ورځې نمانځنه، په بریتانیا کې د مهاجرینو دپاره د افغانانو په مشرۍ د یو پخلنځي فعالیت، او د افغانستان او نړۍ نور خبرونه د امریکا غږ اشنا په خبري ټولګه کې وګورئ.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰