TV Schedule

د ژوند په امریکا کې ددې اونۍ په خپرونه کې مو له افغان ډاکټر، شاعر او لیکوال ګل حنان هوتک سره مرکه کړې ده. ښاغلی هوتک چې د ظاهر شاه په وخت کې یې د طب زده کړې کړي او له چاپي مطبوعاتو سره یې همکاري لرله، د خپل ژوند د لوړو او ژورو په اړه له موږ سره خبرې کړې دي.

د امریکا د ویسکانسن ایالت په میلواکي کې د جمهوري غوښتونکي ګوند ملي کنګره پای ته ورسیدله. د دېرش دقیقو په خپرونه کې ددغې کنګرې د جزئیاتو سربیره د افغانستان په ختیځ کې د طبیعي پېښو له کبله د اوښتو زیانونو په اړه بحث کتلای شئ.

د حایل په خپرونه کې د دوحې د درېیمې غونډې د پایلو او ممکنه اغیزو په اړه د نړیوالو چارو د کارپوه محمد هاشم وحدتیار او د پوهنتون د استاد هدایت الله پکتین سره بحث شوی دی.

د افغانستان د خبریالانو مرکز وايي تېرو شپږ میاشتو کې یې د خبریالانو د نیونو او ګواښلو ۹۰ پېښې ثبت کړي. ولې ورځ تر بلې پر رسنیو فشارونه زیاتیږي؟ د سپینې خبرې په خپرونه کې پدې اړه بحث کیږي.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.