TV Schedule

د روغتیا د ډګر نوې پرمختیاوې، د عصري طبی وسایلو او د درملنې پرمختللې لارې چارې، پر مخدره موادو د اعتیاد نه نیولې د ماشومانو تر ګوزڼ پوری روغتیايې ستونزې او د حل د لارو چارو لټون، دا ټول کولای شئ د امریکا غږ په اونیزې روغتیایي ځانګړې خپرونې بو علی سینا کی تعقیب کرئ.

د امریکاغږ اشنا د شنبې په خپرونه کې د طالبانو نه د روسیې د غوښتنې، د پاکستان د سیاسي کشالو او د همایون صاحبزاده د هنري فعالیتونو په اړه مهم راپورونه لرو.

په ژنیو کې د ملګرو ملتونو د بشري حقونو د شورا په ۵۵ غونډه کې د روسیې پلاوي په افغانستان کې د ټولشموله حکومت د جوړیدو په اړتیا او په دې برخه کې د طالبانو له خوا د شویو ژمنو په عملي کیدو باندې ټینګار کړی دی. روسیه به په افغانستان کې د ټولشموله حکومت له جوړېدو څه ګټه پورته کړي؟

په افغانستان کې د طالبانو حکومت، د بشري حقونو د وضعیت د خرابیدو په اړه د افغانستان لپاره د ملګرو ملتونو د بشري حقونو د شورا د ځانګړي راپور ورکوونکي ریچارډ بنیټ وروستي راپور ته په غبرګون کې دا راپور د خپل حکومت پرخلاف د پروپاګند هڅه بللې ده. د نن او وضعیت په خپرونه کې د سیاسي او بشري حقوقو کارپوه، سید ذاکر شاه سادادت سره پر همدې موضوع خبرې کوو.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. دا خپرونه هره شنبې د شپې په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي.