TV Schedule

د بوعلي سینا د جنورۍ ۲۰مې په خپرونه کې د خپګان لاملونه او په دې رواني ناروغۍ د ښځو د اخته کېدو کچه، د کروندګرو لپاره د کوکنارو د کرکيلې د ښه بدیل لارې چارې، د زړه په ناروغیو د ګڼ شمېر تور پوستو مېرمنو د اخته کیدو لاملونه، د سینې سرطان د ژر او پر وخت تشخیص نوې لارې چارې او د کتاب له هغې لیکوالې سره مرکه چې په بریالیتوب سره یې د سرطان وژونکي ناروغۍ ته ماتې ورکړې، د روغتیا له نړۍ څخه تازه خبرونه شامل دي.

د امریکاغږ اشنا د شنبې په خپرونه کې افغانستان ته د امریکا پر مالي مرستو، د دونالډ ټرمپ د احتمالي بریا نه د اروپایانو پر اندېښنو او په کابل کې د 'پارکور' د لوبو په اړه مهم خبرونه خپرېږي.

د طالبانو سرپرست حکومت په افغانستان کې د ټول شموله حکومت د جوړیدو په هکله د روسیې د بهرنیو چارو وزیر څرګندونې په خپلو کورنیو چارو کې مداخله ګڼلې ده. آیا د ټول شموله حکومت نه پرته د طالبانو واکمني دوام موندلی شي؟

د بلوڅانو ازادي غوښتونکو مبارزه په داسې یو وخت کې چې له یوې خوا د اوکراین جګړه روانه ده او له بلې خوا په منځني ختیځ کې د اسرائیل او فلسطینانو جګړه پیل شویده، څه ګټه کوي؟ تر ټولو مهمه دا چې، د افغانستان په روانو سیاسي او اقتصادي وضعیت څه اغیزه درلودلی شي؟ د نن او وضعیت په خپرونه کې د تاریخ محقق ډاکټر سنګروال سره په همدې موضوعاتو بحث او خبرې کوو.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان ځانګړې خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. د تازه پرمختیاو، نوښتونو او د بشر د ژوندانه د مختلفو اړخونو اړوندو نویو اختراعګانو په هکله د کاروان د اونیزې خپرونې کتل چې د شنبې په شپو په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي، مه هیروئ.