TV Schedule

د بوعلي سینا ددې اوونۍ په خپرونه کې، د مینداورۍ پرمهال د جنین د جنسیت د معلوملو اخلاقي بحث، په ماشومانو کې د هايپوتايرايډيزم (د تایرایډ غدې کم فعالیت) له امله رامنځته شوې ستونزې او د شکرې او پارکینسن ناروغیو د مخنیوي د لارو چارو په ګډون د روغتیا د نړۍ څخه راپورنه کتلای او اوریدلای شئ.

د امریکاغږ اشنا د شنبې په خبري خپرونه کې پر ایران د اسرائیل د غچ اخیستونکي بریدونو، افغانستان ته څیرمه په قبائیلي سیمو کې د خښ شویو ماینونو د خطرونو او په کابل کې د یو متقاعد کس چې اوس د ښار په یو واټ کې پیرکي پلوري خبرونه او رپوټونه لرو.

د ملګرو ملتونو سرمنشي د ایران او اسرائیل ترمنځ وروستي کړکیچ ته په اشارې ویلي؛ اوس د دې وخت رارسېدلی چې په منځني ختیځ کې غچ اخیستو ته د پای ټکې کيښودل شي. په سیمه کې ددغه کړکیچ د دوام پایلې به څه وي؟

په افغانستان کې د طالبان د حکومت د اطلاعاتو او کلتور وزارت وایي‌ چې د لوګر په ولایت کې د څلورو تاریخي ابداتو برسیره، شپږ لرغونې سیمې او ۱۹ تاریخي کلاوې کشف او ثبت شوي دي. د نن او وضعیت په خپرونه کې پر همدې موضوع د پروګرام له میلمه محقق او لېکوال، شهسوار سنګروال سره خبري کوو.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. دا خپرونه هره شنبې د شپې په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي.