TV Schedule

د حایل په خپرونه کې د افغانستان په اړه د پاکستاني چارواکو څرګندونو او د طالبانوغبرګونونه په اړه په سویډن کې د امنیتي او سیاسي چارو شنونکي حکمت الله حکمت او په خیبر پښتونخوا کې د پاکستان د پوځ پخواني جنرال سید نذیر سره خبرې شوي دي.

د افغانستان په اړه د پاکستاني چارواکو څرګندونې او د طالبانو غبرګونونه، په غزه کې د اوربند لپاره هلې ځلې، په امریکا کې له ټاکنو وړاندې د دیموکرات ګوند کنوانسیون او د افغانستان او نړۍ نور خبرونه د امریکا غږ اشنا په خبري ټولګه کې وګورئ.

طالبانو د افغانستان لپاره د پاکستان د ځانګړي استازي اصف دراني څرګندونو ته غبرګون ښودلی. دراني ویلي چې د افغانستان وضعیت ته د نړۍ د نه پاملرنې له کبله به ممکن د ۲۰۰۱ د سپتمبر د ۱۱ پیښې په څير بله پېښه وشي. طالبانو دا څرګندونې د عامه افکارو د کډوډولو هڅه ګڼلې ده. ایا د پاکستان او افغان طالبانو ترمنځ د نظر اختلاف زیات شوی؟ د سپينې خبرې په خپرونې کې په همدې موضوع خبرې کوو.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰