TV Schedule

د ژوند په امریکا کې ددې اونۍ په خپرونه کې د کالیفورنیا ایالت په سانفرانسسکو ښار کې د ژوند بڼې، کاري فرصتونو، ګرځندوی، ترانسپورت او نورو بیلابیلو برخو ته کتنه شوې ده.

د یوناما مشرې د امنیت شورا ته ویلي چې افغانستان له نړیوالې ټولنې جلا شوی او د طالبانو پرېکړې د هغوی او نړۍ ترمنځ واټن پیدا کوي. د دېرش دقیقو په خپرونه پر دې موضوع سربېره په اوزبیکستان کې د فوټسال نړیوال جام او د افغانستان او سویلي افریقا لوبډلو ترمنځ د کرکټ سیالیو په اړه بحث کتلای شئ.

د حایل په خپرونه کې په البانیا کې د افغان مېرمنو د وروستۍ سترې غونډې د پایلو په اړه بحث شوی دی.

د اروپا پارلمان په تازه پرېکړه لیک کې په افغانستان کې د "جنسیتي اپارتاید" په رسمیت پېژندلو او پر طالبانو باندې د نورو بندیزونو د لګولو غوښتنه کړې ده. د سپينې خبرې په خپرونه کې په دې اړه بحث کتلای شئ.

د نن او وضعیت په خپرونه کې د افغانستان او چین ترمنځ د سرک غځولو او ددې پروژې پر ارزښت بحث شوی دی. د افغانستان او جنوبي افریقا ترمنځ د کرکټ سیالۍ ته هم کتنه شوې ده.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.