TV Schedule

د اتصال د یکشنبې په خبرونه کې د افغانستان سره د امریکا د مالي مرستو په څرنګوالي له میلمنو سره خبرې کوو. سیګار د امریکا د بهرنیو چارو وزارت له قوله په خپل تازه راپور کې ویلې چې د هرو لسو څخه تر څوارلسو ورځو پورې په اوسط ډول ۸۰ میلیونه ډالر د ملګروملتونو له خوا کابل ته انتقال شوي دي. ددې پیسو ګټې د افغانستان لپاره څه دي؟ او د طالبانو لخوا د خبریالانو نیول او پر رسنیو د طالبانو محدودیتونو باندې لنډه کتنه به ولرو.

نن یکشنبې د سلواغې لومړۍ نېټه ده. تاسو به د امریکاغږ اشنا په نننۍ خپرونه کې په ایران او پاکستان کې د افغان زندانیانو په وضعیت د طالبانو او ایراني چارواکو د لیدنو جزیات واورئ، د باچا خان سوله ییزه مبارزې ته مو کتنه کړې او د نړۍ د خبرونو سربیره، په جرمني کې د یوه افغان مدافع وکیل فعالیتونو په اړه راپور لرو.

د طالبانو د بهرنیو چارو وزارت چارواکي وايي چې د ایران د قضائیه چارو د پلاوي سره یې د زندانیانو د تبادلې په اړه د یوې موافقې پر تطبیق او په ایران کې د افغان کډوالو په ستونزو خبرې کړيدي. په افغانستان کې د یو اساسي قانون نه موجودیت کې، د زندانیانو تبادله او حقوقي او جنایي همکاري څومره ممکنه ده؟

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰